അനധികൃത നിര്‍മാണങ്ങള്‍ പൊളിക്കണമെന്ന് റിപ്പോര്‍ട്ട്

തിരുവനന്തപുരം: മൂന്നാറിൽ പരിസ്ഥിതി നിയമങ്ങൾ ലംഘിച്ച കെട്ടിടങ്ങൾ പൊളിച്ചുനീക്കണമെന്ന് നിയമസഭാ ഉപസമിതി. പ്രത്യേക പരിസ്ഥിതി വികസന പരിപാലന അതോറിറ്റി ആറുമാസത്തിനകം രൂപീകരിക്കണമെന്നും മുല്ലക്കര രത്​നാകരൻ അധ്യക്ഷനായ നിയമസഭാ ഉപസമിതി സർക്കാറിന് നൽകിയ റിപ്പോർട്ടിൽ നിർദേശിക്കുന്നു.

പരിസ്​ഥിതി സംരക്ഷണം മുഖ്യമായെടുത്ത്​ മൂന്നാറിന്‍റെ വികസനം അതോറിറ്റിക്ക്​ കീഴിൽ കൊണ്ടുവരണം. അതോറിറ്റി രൂപീകരിക്കുന്നതു വ​രെ അവിടെ നിർമാണ പ്രവർത്തനങ്ങൾ തടയണമെന്നും നിർദേശമുണ്ട്​. പട്ടയ ഭൂമി ഗാർഹികേതര ആവശ്യങ്ങൾക്ക്​ ഉപയോഗിച്ചിട്ടുണ്ടെങ്കിൽ പട്ടയം റദ്ദാക്കി ഭൂമി തിരിച്ചു പിടിക്കണമെന്നും സമിതി ശുപാർശ ചെയ്തു.

Subcommittee report asks to remove illegal constructions in Munnar

Assembly Subcommittee with Mullakara Ratnakaran as chairman suggests to demolish illegal construction in Munnar.