വിദ്യാർഥിയുടെ ആത്മഹത്യാശ്രമം: വെള്ളാപ്പള്ളി കോളജ് അടിച്ചു തകർത്തു

കായംകുളം: വെള്ളാപ്പള്ളി നടേശൻ എൻജിനീയറിങ് കോളജ് വിദ്യാർഥി ആത്മഹത്യാ ശ്രമം നടത്തിയതിൽ നടത്തിയ എസ്എഫ്‌ഐ പ്രതിഷേധം അക്രമാസക്തമായി. എസ്എഫ്ഐ പ്രവര്‍ത്തകര്‍ കോളജ് അടിച്ചു തകര്‍ത്തു. പൊലീസ് ബാരിക്കേഡ് മറികടന്ന് പ്രവര്‍ത്തകര്‍ തള്ളിക്കയറി. മാനേജ്‍മെന്‍റ് പീഡനത്തെ തുടര്‍ന്നാണ് വിദ്യാർഥി ആത്മഹത്യക്ക് ശ്രമിച്ചതെന്നാണ് ആരോപണം.

കായംകുളം വെള്ളാപ്പള്ളി നടേശന്‍ എഞ്ചിനിയറിങ് കോളജിൽ വിദ്യാർഥി ആത്മഹത്യക്ക് ശ്രിമിച്ച സംഭവത്തില്‍ ബി.ഡി.ജെ.എസ് നേതാവ് സുഭാഷ് വാസുവിനെതിരെ പൊലീസ് കേസെടുത്തിട്ടുണ്ട്. കേസിൽ പ്രിന്‍സിപ്പല്‍ ഗണേശ് ഒന്നാം പ്രതിയും കോളേജ് ചെയര്‍മാന്‍ സുഭാഷ് വാസു രണ്ടാം പ്രതിയുമാണ്.

കോളജ് ഹോസ്റ്റലിലെ ഭക്ഷണം മോശമായതിനെ തുടർന്ന് വിദ്യാർഥികൾ പുറത്ത് പോയി ഭക്ഷണം കഴിച്ചതിനെ കോളജ് അധികൃതർ ചോദ്യം ചെയ്തിരുന്നു. അധ്യാപകരുടെയും മാനേജ്‍മെന്‍റിന്‍റെയും നിരന്തര പീഡനമാണ് വിദ്യാര്‍ഥിയുടെ ആത്മഹത്യാ ശ്രമത്തിന് കാരണമെന്നാണ് ആരോപണം.

suicide attempt: SFI destroyed vellapally college