ഒന്നാം സമ്മാനത്തിനർഹമായ ടിക്കറ്റ് തിരുവനന്തപുരത്ത് വിറ്റ ടിക്കറ്റിനാണെന്നാണ് നിലവിലെ റിപ്പോർട്ട്. പാലക്കാട്ടെ ഏജൻ്റ് ഷാജഹാനിൽ നിന്നും തിരുവനന്തപുരത്തെ സബ് ഏജൻ്റ് ദുരൈരാജ് വാങ്ങി വിൽപ്പന നടത്തിയ XC 224091 എന്ന ടിക്കറ്റിനാണ് ക്രിസ്മസ് - ന്യൂഇയർ ബമ്പർ അടിച്ചത്. ആർക്കാണ് ഈ ടിക്കറ്റ് വിറ്റതെന്ന് അറിയില്ലെന്ന് ദുരൈരാജ് ബുധനാഴ്ച വ്യക്തമാക്കിയിരുന്നു.
തിരുവോണം ബമ്പർ ലോട്ടറിയുടെ നറുക്കെടുപ്പ് അവസാനിച്ച് മാസങ്ങൾക്കകമാണ് ക്രിസ്മസ് - ന്യൂഇയർ ബമ്പർ ലോട്ടറി നറുക്കെടുപ്പ് ഭാഗ്യാന്വേഷികളെ ആവേശത്തിലാക്കിയത്. എന്നാൽ, മറ്റൊരു ബമ്പർ ലോട്ടറി വിൽപ്പന കൂടി ആരംഭിക്കുകയാണ്. കേരള ലോട്ടറി വകുപ്പിൻ്റെ സമ്മർ ബമ്പർ ഭാഗ്യക്കുറിയാണ് ഇനി ഭാഗ്യാന്വേഷികൾക്ക് മുന്നിലെത്തുന്നത്.
ആകർഷകമായ സമ്മാനങ്ങളാൽ സമ്പന്നമാണ് സമ്മർ ബമ്പർ ഭാഗ്യക്കുറി. ഒന്നാം സമ്മാനമായി 10 കോടിയും രണ്ടാം സമ്മാനമായി 50 ലക്ഷം രൂപയുമാണ് ജേതാക്കൾക്ക് ലഭിക്കുക. മൂന്നാം സമ്മാനമായി 5 ലക്ഷം രൂപ വീതം ഓരോ പരമ്പരയിലും രണ്ടു വീതം ആകെ 60 ലക്ഷം രൂപയും നാലാം സമ്മാനമായി ഒരു ലക്ഷം രൂപ അവസാന അഞ്ചക്കത്തിനു നൽകുന്നു. കൂടാതെ 5000, 2000, 1000, 500 എന്നിങ്ങനെ നിരവധി സമ്മാനങ്ങളുമുണ്ട്.
സമ്മർ ബമ്പർ ഭാഗ്യക്കുറിയുടെ ടിക്കറ്റ് വില 250 രൂപയാണ്. നറുക്കെടുപ്പ് 2024 മാർച്ച് 27ന് ഉച്ചയ്ക്ക് രണ്ടു മണിക്ക് നടക്കും. സമ്മർ ബമ്പർ ഭാഗ്യക്കുറിയുടെ ബ്ലോ അപ്പ് ചലചിത്ര താരം സോനാ നായർക്ക് നൽകി മന്ത്രി കെഎൻ ബാലഗോപാൽ ഇന്നലെ പ്രകാശനം ചെയ്തു. ക്രിസ്മസ് - ന്യൂഇയർ ബമ്പർ ലോട്ടറി നറുക്കെടുപ്പിനിടെയാണ് സമ്മർ ബമ്പർ ഭാഗ്യക്കുറിയുടെ ബ്ലോ അപ്പ് നടന്നത്.
Read Latest World News and Malayalam News