കൊച്ചി: സംസ്ഥാനത്ത് വേനല് ശക്തമാകുമെന്ന് മുന്നറിയിപ്പ്. കൊല്ലം, ആലപ്പുഴ, കോട്ടയം, എറണാകുളം, തൃശൂര് ജില്ലകളില് താപനില നാല് ഡിഗ്രി സെല്ഷ്യസ് വരെ ഉയരുമെന്ന് കാലാവസ്ഥാ നിരീക്ഷണ കേന്ദ്രം പ്രവചിക്കുന്നു. തിരുവനന്തപുരം, പത്തനംതിട്ട, പാലക്കാട്, മലപ്പുറം, കോഴിക്കോട്, കണ്ണൂര് ജില്ലകളിലും താപനില ഉയരും. സൂര്യാഘാതത്തിനുള്ള സാധ്യതകളും വര്ധിക്കും. പാലക്കാട് ജില്ലയില് ഉയര്ന്ന താപനില 40 ഡിഗ്രി സെൽഷ്യസിലെത്തി. കേരളം അധികം വൈകാതെ വരള്ച്ചയിലേക്ക് എത്തുമെന്നാണ് കണക്കാക്കുന്നത്. സംസ്ഥാനത്ത് വിവിധ ജില്ലകളില് സൂര്യാതപം റിപ്പോര്ട്ട് ചെയ്തിരുന്നു. അടുത്തെങ്ങും വേനല് മഴയ്ക്കും സാധ്യതയില്ലെന്നാണ് കാലാവസ്ഥ നിരീക്ഷകര് സൂചിപ്പിക്കുന്നത്.
രാവിലെ പതിനൊന്ന് മുതല് ഉച്ചയ്ക്ക് മൂന്ന് മണിവരെയുള്ള സമയത്ത് വെയില് കൊള്ളരുതെന്ന് കേരള ദുരന്ത നിവാരണ ഏജന്സി അഭ്യര്ഥിച്ചു. ഇളം നിറത്തിലുള്ള വസ്ത്രങ്ങള് ധരിക്കുക കുടിവെള്ളം കൈയ്യില് കരുതുക.
രാവിലെ പതിനൊന്ന് മുതല് ഉച്ചയ്ക്ക് മൂന്ന് മണിവരെയുള്ള സമയത്ത് വെയില് കൊള്ളരുതെന്ന് കേരള ദുരന്ത നിവാരണ ഏജന്സി അഭ്യര്ഥിച്ചു. ഇളം നിറത്തിലുള്ള വസ്ത്രങ്ങള് ധരിക്കുക കുടിവെള്ളം കൈയ്യില് കരുതുക.