ചൊവ്വാഴ്‍ച്ച വരെ കേരളത്തില്‍ കനത്ത മഴയ്ക്ക് സാധ്യത

തിരുവനന്തപുരം: കേരളത്തിലെ വിവിധ ജില്ലകളില്‍ കനത്ത മഴയും കാറ്റും ഇടിമിന്നലും പ്രവചിച്ച് ഇന്ത്യന്‍ കാലാവസ്ഥാവകുപ്പ് (ഐഎംഡി). ദക്ഷിണേന്ത്യന്‍ സംസ്ഥാനങ്ങളിലാണ് കനത്ത മഴയുണ്ടാകുമെന്ന പ്രവചനം. ചൊവ്വാഴ്‍ച്ചവരെ കേരളത്തില്‍ കനത്ത മഴയുണ്ടാകുമെന്നാണ് കരുതുന്നത്.

കേരള ദുരന്തനിവാരണ അതോറിറ്റിയും മഴ മുന്നറിയിപ്പ് നല്‍കിയിട്ടുണ്ട്. രാത്രി എട്ട് മണിവരെ മഴയെ കരുതിയിരിക്കണമെന്നാണ് ഇവര്‍ നല്‍കുന്ന മുന്നറിയിപ്പ്. മരങ്ങള്‍ക്ക് ചുവട്ടില്‍ നില്‍ക്കരുത്, ഇലക്ട്രോണിക് ഉപകരണങ്ങള്‍ പ്രവര്‍ത്തിപ്പിക്കരുതെന്നും മാര്‍ഗനിര്‍ദേശത്തില്‍ അറിയിച്ചു.

മേയ് എട്ടാം തീയതി വരെ മുന്നറിയിപ്പ് അനുസരിച്ച് എല്ലാവരും കരുതിയിരിക്കണം. പാലക്കാട് കഴിഞ്ഞ ദിവസങ്ങളില്‍ 7 സെന്‍റി മീറ്റര്‍ വരെ മഴ പെയ്‍തിട്ടുണ്ട്.

കൊല്ലം, ആലപ്പുഴ, കോട്ടയം, പത്തനംതിട്ട, എറണാകുളം, തിരുവനന്തപുരം ജില്ലകളിലാണ് മഴ ശക്തിപ്രാപിക്കാനുള്ള സാധ്യത.