സപ്ലൈകോ മാർക്കറ്റുകൾ ഒരാഴ്ചത്തേക്ക് അടച്ചു

കോട്ടയം: കണക്കെടുപ്പിനായി സപ്ലൈകോ ലാഭം മാർക്കറ്റുകൾ ഒരാഴ്ചത്തേക്ക് അടച്ചു.കണക്കെടുപ്പിന് വേണ്ടിയാണ് ഏപ്രില്‍ ഒന്നു വരെ മാര്‍ക്കറ്റുകള്‍ അടയ്ക്കാനുളള തീരുമാനം. ഇനി ഏപ്രില്‍ രണ്ടാം തിയ്യതിയേ മാര്‍ക്കറ്റ് പ്രവര്‍ത്തനം പുനരാരംഭിക്കൂ .

എന്നാൽ രണ്ടാം തീയതി പൊതു പണിമുടക്ക് പ്രഖ്യാപിച്ചിരിക്കുന്നതിനാൽ മൂന്നാം തീയതിയായിരിക്കും ഫലത്തിൽ മാര്‍ക്കറ്റ് തുറന്ന് പ്രവര്‍ത്തിക്കുക. മാര്‍ക്കറ്റ് അടച്ചതോടെ ഇൗസ്റ്റർ കാലത്ത് ജനം ബുദ്ധിമുട്ടിലായിരിക്കുകയാണ്.

ഓരോ മാർക്കറ്റിലെയും 1500 ലേറെ ഉൽപ്പന്നങ്ങൾ തരം തിരിക്കുന്നതിനും ഇവയുടെ സ്റ്റോക്ക് എടുക്കുന്നതിനുമായാണ് ലാഭം മാർക്കറ്റുകള്‍ നേരത്തേ അടച്ചതെന്നാണ് ബന്ധപ്പെട്ട ഉദ്യോഗസ്ഥരുടെ പ്രതികരണം

പൊതു വിപണിയില്‍ വില വര്‍ദ്ധിക്കുമ്പോള്‍ സപ്ലൈകോ ലാഭം മാര്‍ക്കറ്റുകള്‍ സാധാരണക്കാര്‍ക്ക് വളരെ ആശ്വാസ നല്‍കിയിരുന്നു. ഇൗ മാസം സബ്സിഡിയടക്കമുളള ഉത്പ്പന്നങ്ങള്‍ വാങ്ങാത്തവര്‍ നിരവധിയാണ്. ലാഭം മാർക്കറ്റ് അടച്ചതറിയാതെ സാധനങ്ങൾ വാങ്ങാനെത്തിയവര്‍ നിരാശരായി മടങ്ങി.