വ്യാജരേഖ നിർമിക്കാൻ നിർദേശം നൽകിയത് ഫാ ടോണി കല്ലൂക്കാരനെന്ന് മൊഴി

കൊച്ചി: സീറോ മലബാർ സഭ ആർച്ച് ബിഷപ്പ് മാർ ജോർജ്ജ് ആലഞ്ചേരിക്കെതിരെ വ്യാജരേഖ നിർമ്മിക്കാൻ നിർദ്ദേശം നൽകിയത് ഫാ ടോണി കല്ലൂക്കാരനെന്ന് കേസിലെ പ്രതിയുടെ മൊഴി. കേസിലെ മൂന്നാം പ്രതി ആദിത്യയാണ് മൊഴി നൽകിയത്. അതിരൂപതയ്ക്കുവേണ്ടി ഇത് ചെയ്യണമെന്ന് ഫാ ടോണി കല്ലൂക്കാരനാണ് തന്നോട് വ്യാജരേഖ നിർമ്മിക്കാൻ ആവശ്യപ്പെട്ടതെന്ന് ആദിത്യ പോലീസിനോട് വെളിപ്പെടുത്തി. ആലുവ ഡിവൈഎസ്പി പി എ വിദ്യാധരന്റെ നേതൃത്വത്തിൽ ആദിത്യയുമായി വിവിധ സ്ഥലങ്ങളിൽ തെളിവെടുത്തു. ഇയാളുടെ കുടുംബത്തിെൻറ ഉടമസ്ഥതയിെല എളംകുളം കോന്തുരുത്തിയിലെ ശ്രേഷ്ഠ ട്രേഡേഴ്സിലും പരിശോധന നടത്തി. ഒന്നര ദിവസത്തെ പൊലീസ‌് കസ‌്റ്റഡിക്കുശേഷം കോടതിയിൽ ഹാജരാക്കിയ ആദിത്യയെ വീണ്ടും റിമാൻഡ‌് ചെയ‌്തു.