ടിപി വധക്കേസ് പ്രതി പി കെ കുഞ്ഞനന്തന്‍ അന്തരിച്ചു

തിരുവനന്തപുരം: ടിപി ചന്ദ്രശേഖരന്‍ വധക്കേസിലെ പി കെ കുഞ്ഞനന്തന്‍ (70) അന്തരിച്ചു. തിരുവനന്തപുരം മെഡിക്കല്‍ കോളജില്‍ ദീര്‍ഘനാളായി ചികിത്സയിലിരിക്കവെയാണ് മരണം. ടി പി കേസില്‍ ശിക്ഷിക്കപ്പെട്ട കുഞ്ഞനന്തന്‍ ജാമ്യത്തില്‍ കഴിയുകയായിരുന്നു. ടി പി വധക്കേസില്‍ 13ാം പ്രതിയായിരുന്നു.

Also Read: കൊറോണയും ആരാധനാലയങ്ങളും

കാന്‍സര്‍ ബാധിതനായി 13 മാസമായി ചികിത്സയിലായിരുന്നു. അസുഖം മൂര്‍ച്ഛിച്ചതിനെ തുടര്‍ന്ന്, ഞായറാഴ്ച രാവിലെ ഐസിയുവിലേക്ക് മാറ്റിയിരുന്നു. മുഖ്യമന്ത്രി പിണറായി വിജയന്‍ ആശുപത്രിയിലെത്തി കുഞ്ഞനന്തനെ സന്ദര്‍ശിച്ചിരുന്നു.

Also Read: ഒരു ലക്ഷത്തോടടുത്ത് കൊവിഡ് രോഗികള്‍; മഹാരാഷ്ട്രയില്‍ ഇന്ന് മാത്രം 3,607 കേസുകള്‍, 152 മരണം

ടി പി വധത്തിനു ശേഷം അന്വേഷണം ശക്തമായതോടെ മൈസൂര്‍, ബാംഗ്ലൂര്‍, ബല്‍ഗാം എന്നീ സ്ഥലങ്ങളില്‍ ഒളിവില്‍ കഴിഞ്ഞു. 2012 ജൂലൈ 23 ന് വടകര മജിസ്‌ട്രേറ്റ് കോടതിയിലെത്തി കുഞ്ഞനന്തന്‍ കീഴടങ്ങി. ഒന്നര വര്‍ഷമായി വിചാരണത്തടവുകാരനായി കോഴിക്കോട് ജില്ലാ ജയിലിലായിരുന്നു. സിപിഎം പാനൂര്‍ ഏരിയാ കമ്മിറ്റി അംഗമാണ് കുഞ്ഞനന്തന്‍.

ഭാര്യ- ശാന്ത, മക്കള്‍- ഷബ്‌ന (അധ്യാപിക, കണ്ണങ്കോട് യു പി സ്‌കൂള്‍), ഷെറില്‍ (ഖത്തര്‍), മരുമക്കള്‍- മനോഹരന്‍, നവ്യ.