ടി.പി വധം: ഗൂഢാലോചനക്ക് പിന്നിൽ പിണറായിയും ജയരാജനും എന്ന് രമ

ഒഞ്ചിയം: ആര്‍.എം.പി നേതാവ് ടി.പി ചന്ദ്രശേഖരൻ കൊല്ലപ്പെട്ടിട്ട് ഇന്ന് അഞ്ച് വർഷം തികയുന്നു. ആർ.എം.പി പ്രവർത്തകർ ഇന്ന് ടിപി രക്തസാക്ഷിത്വ ദിനമായി ആചരിക്കും. ടിപി വധക്കേസ് അന്വേഷണം സിബിഐയെ ഏല്‍പിക്കണമെന്ന് ആവശ്യപ്പെട്ട് കെ.കെ.രമ ഹൈക്കോടതിയിൽ ഹർജി സമർപ്പിക്കാൻ ഒരുങ്ങുന്നു.

യുഡിഎഫ് സര്‍ക്കാര്‍ ഈ ആവശ്യത്തെ പിന്തുണച്ച് കേന്ദ്രത്തിന് കത്ത് നല്‍കുകയും ചെയ്തിരുന്നു.
ചന്ദ്രശേഖരന്‍ കൊലപാതകത്തെ സംബന്ധിച്ച നിര്‍ണായക വിവരങ്ങള്‍ അന്നത്തെ പ്രത്യേക അന്വേഷണ സംഘത്തിന്‍റെ കൈയിലുണ്ടായിരുന്നുവെന്നും കെ.കെ രമ പറയുന്നു. അന്നത്തെ പാര്‍ട്ടി സെക്രട്ടറി പിണറായി വിജയനും പിജയരാജനും ചേര്‍ന്നാണ് കൊലപാതകം ആസൂത്രണം ചെയ്തത്.

എന്നാല്‍ അന്വേഷണം അവരിലേക്ക് എത്താതെ അട്ടിമറിക്കപ്പെടുകയായിരുന്നുവെന്നും രമ ആരോപിക്കുന്നു. ടി പി കേസില്‍ സ്വീകരിച്ച നടപടികളാണ് സെന്‍കുമാറിന്‍റെ ഇന്നത്തെ അവസ്ഥക്കിടയയാക്കിയതെന്നും കെ കെ രമ പറഞ്ഞു നിര്‍ത്തുന്നു.

T.P murder: Pinarayi and Jayarajan behind the conspiracy, says Rama