കൊച്ചി: കേരളത്തില്‍ കൊവിഡ് സമൂഹവ്യാപനം ഉണ്ടായിട്ടുണ്ടെന്ന് ഇന്ത്യന്‍ മെഡിക്കല്‍ അസോസിയേഷന്‍ (ഐഎംഎ) സംസ്ഥാന പ്രസിഡന്റ് ഡോ. എബ്രഹാം വര്‍ഗീസ്. സംസ്ഥാനത്ത് കൊവിഡ് വ്യാപനം ഗുരുതരമാണെന്നും ഇത് നിയന്ത്രണ വിധേയമാകാന്‍ വര്‍ഷങ്ങള്‍ തന്നെ വേണ്ടി വരുമെന്ന് അദ്ദേഹം മാതൃഭൂമി ഡോട്ട് കോമിനോട് പറഞ്ഞു.
'ഉറവിടം തിരിച്ചറിയാനാകാത്ത കൊവിഡ് പോസിറ്റീവ് കേസുകള്‍ കൂടുന്നുവെന്നതാണ് സ്ഥിതി ഗുരുതരമാണെന്ന് വിലയിരുത്തുന്നതിനുള്ള പ്രധാന കാരണം. നിലവില്‍ ഉറവിടം കണ്ടെത്താത്ത 70 ഓളം കേസുകളാണുള്ളത്. രോഗലക്ഷണങ്ങളില്ലാത്ത ആളുകള്‍ക്ക് കൊവിഡ് സ്ഥിരീകരിക്കുന്നതാണ് മറ്റൊരു കാരണം. കൊവിഡ് രോഗികളുമായി സമ്പര്‍ക്കത്തില്‍ ഇല്ലാത്ത ആരോഗ്യപ്രവര്‍ത്തകര്‍ക്ക് പോലും രോഗം സ്ഥിരീകരിക്കുന്നുണ്ട്. കേരളത്തില്‍ നിന്നും മറ്റു സംസ്ഥാനങ്ങളില്‍ എത്തുന്നവര്‍ക്ക് അവിടെ എത്തിയ ശേഷം രോഗം സ്ഥിരീകരിക്കുന്നതും സമൂഹ വ്യാപനത്തെയാണ് ചൂണ്ടിക്കാട്ടുന്നത്'.
'ലോക്ക്ഡൗണ്‍ പ്രഖ്യാപിച്ചതുകൊണ്ടാണ് ഇത്രയും ക്രമീകരണങ്ങള്‍ ഒരുക്കാന്‍ സമയം കിട്ടിയത്. വെള്ളപ്പൊക്കവും നിപയുമെല്ലാം ഉണ്ടായശേഷം അവയെ മനസ്സിലാക്കി മുന്‍കരുതലെടുക്കാന്‍ തുടങ്ങി. ഇതൊരു പുതിയ വൈറസാണ്. അതിനെ പ്രതിരോധിക്കാനുള്ള മാര്‍ഗ്ഗങ്ങളിലേക്ക് നാം എത്തുന്നതേയുള്ളു. അതിനായി സമയം ആവശ്യമാണ്. ലോക്ക്ഡൗണ്‍ അവസാന വഴിയാണ്. മറ്റൊരു മാര്‍ഗ്ഗവുമില്ലെങ്കില്‍ മാത്രമേ ലോക്ക്ഡൗണിലേക്ക് പോകേണ്ടതുള്ളൂ. ഇളവുകള്‍ കൂടിയത് കൊണ്ടാകാം സ്ഥിതിഗതികള്‍ ഇത്രയും സങ്കീര്‍ണ്ണമായത്. നിലവിലെ സാഹചര്യത്തിന്റെ ഗൗരവം ജനങ്ങള്‍ മനസ്സിലാക്കിയാല്‍ മാത്രമേ മുന്നോട്ട് പോകാനാവൂ', അദ്ദേഹം പറഞ്ഞു.
We use cookies and other tracking technologies to provide services in line with the preferences you reveal while browsing the Website to show personalize content and targeted ads, analyze site traffic, and understand where our audience is coming from in order to improve your browsing experience on our Website. By continuing to browse this Website, you consent to the use of these cookies. If you wish to object such processing, please read the instructions described in our privacy policy/cookie policy.
