പാലക്കാട്: തമിഴ്നാട് സ്വദേശികളായ യുവാക്കൾ ഭാരതപ്പുഴയിൽ മുങ്ങി മരിച്ചു. പുഴയിൽ കുളിക്കാനിറങ്ങിയ യുവാക്കളാണ് മുങ്ങി മരിച്ചത്. ചെന്നൈ അണ്ണാനഗറിൽ ബില്ലിവാസത്തിൽ വിശ്വനാഥന്റെ മകൻ ഗോകുൽ (20), അണ്ണാനഗർ സ്വദേശി കാർത്തിക് (19) എന്നിവരാണ് മുങ്ങി മരിച്ചത്.
Also Read: ടിക് ടോക്കിലൂടെ പരിചയം; പെൺകുട്ടിയെ പീഡിപ്പിച്ച യുവാവ് അറസ്റ്റിൽ
പറളിയിലെ ചെക്ക് ഡാമിൽ വെച്ചാണ് അപകടമുണ്ടായത്. ചെന്നൈയിൽ ജോലി ചെയ്യുന്ന പറളിയിലെ സുഹൃത്തിന്റെ വീട്ടിൽ എത്തിയതായിരുന്നു ഇരുവരും. സുഹൃത്തിന്റെ വീട്ടിലെത്തി അര മണിക്കൂറിനുള്ളിൽ ഇരുവരും പുഴയിലേക്ക് കുളിക്കാൻ പോയി. അപ്പോഴാണ് അപകടം സംഭവിച്ചത്. രണ്ടു പേരുടെയും മൃതദേഹങ്ങൾ പാലക്കാട് ജില്ലാ ആശുപത്രിയിൽ സൂക്ഷിച്ചിരിക്കുകയാണ്. ബന്ധുക്കൾ എത്തിയ ശേഷം പോസ്റ്റ്മോർട്ടം നടത്തി മൃതദേഹങ്ങൾ വിട്ടു കൊടുക്കും.