തിരുവനന്തപുരം: പാറശാലയിൽ വെടിയുണ്ട കഷ്ണങ്ങളുമായി തമിഴ്നാട് സ്വദേശി പിടിയിൽ. തിരുനെൽവേലി സ്വദേശി കൃഷ്ണമൂര്ത്തിയെയാണ് എക്സൈസ് സംഘം പിടികൂടിയത്. വെടിയുണ്ടയുടെ അഗ്രഭാഗമാണ് ഇയാളിൽ നിന്ന് പിടിച്ചെടുത്തത്.
Also Read: മൂന്ന് ലോഹങ്ങളിൽ നിർമ്മിച്ച തിരുവല്ലയിലെ കൂറ്റൻ ക്രിസ്തുശിൽപ്പം!, ലോക റെക്കോർഡ്!!
ചൊവ്വാഴ്ച രാത്രി അമരവിള ചെക്ക്പോസ്റ്റിൽ എക്സൈസ് നടത്തിയ പരിശോധനയിലാണ് സംഭവം. ഇയാളുടെ ബാഗിലാണ് മൂന്ന് വെടിയുണ്ടയുടെ അഗ്രഭാഗങ്ങള് കണ്ടെത്തിയത്. പിന്നാലെ പാറശാല പോലീസിന് അക്രിക്കട ജീവനക്കാരനായ കൃഷ്ണമൂര്ത്തിയെ കൈമാറി. തുടര്ന്ന് നടത്തിയ ചോദ്യം ചെയ്യലിൽ, അക്രിക്കടിയിൽ നിന്ന് ലഭിച്ച ബുള്ളറ്റ് കഷ്ണങ്ങൾ മാലയുടെ ലോക്കറ്റ് നിര്മ്മിക്കാനാണ് സൂക്ഷിച്ചതെന്ന് കൃഷ്ണമൂര്ത്തി മൊഴി നൽകി. അന്വേഷണത്തിൽ മൊഴി യാഥാര്ഥ്യമെന്ന് തെളിഞ്ഞതോടെ ഇയാളെ സ്റ്റേഷൻ ജാമ്യത്തിൽ വിട്ടയച്ചു.
Also Read: ആലപ്പുഴയിൽ അപകടങ്ങൾ കുറയുന്നു; കണക്കുകൾ ഇങ്ങനെ!
Also Read: ഇടപ്പള്ളി പള്ളിയിൽ നേര്ച്ചയായി വെള്ളക്കുതിര!! ലേലത്തിൽ സ്വന്തമാക്കി പാലാരിവട്ടം സ്വദേശി!