പമ്പയിൽ പുനര്‍നിര്‍മാണം ഉടൻ തുടങ്ങും; ചുമതല ടാറ്റാ പ്രൊജക്ട്സിന്

തിരുവനന്തപുരം: പ്രളയത്തിൽ തകര്‍ന്ന പമ്പയിലെ നിര്‍മാണങ്ങള്‍ പുനസ്ഥാപിച്ച് തീര്‍ത്ഥാടനം പൂര്‍വ്വസ്ഥിതിയിലാക്കാൻ അടിയന്തരനടപടി സ്വീകരിക്കുമെന്ന് മുഖ്യമന്ത്രി പിണറായി വിജയൻ അറിയിച്ചു. ശബരിമലയിലെ പുനര്‍നിര്‍മാണത്തി്ന‍റെ ചുമതല ടാറ്റ പ്രൊജക്ട്സ് ലിമിറ്റഡിന് കൈമാറാനും തീരുമാനമായി. മന്ത്രിസഭായോഗതീരുമാനങ്ങള്‍ വിശദീകരിക്കാൻ വിളിച്ചു ചേര്‍ത്ത പത്രസമ്മേളനത്തിലാണ് മുഖ്യമന്ത്രി ഇക്കാര്യം അറിയിച്ചത്.

ചീഫ് സെക്രട്ടറി അധ്യക്ഷനായ ഉന്നതതല സമിതിയ്ക്കായിരിക്കും നിര്‍മാണ പ്രവര്‍ത്തനങ്ങളുടെ മേൽനോട്ട ചുമതല. ഡോ. വി വേണു, കെ ആര്‍ ജ്യോതിലാല്‍, ടിങ്കു ബിസ്വാള്‍ എന്നീ മുതിര്‍ന്ന ഉദ്യോഗസ്ഥരും പോലീസ് മേധാവി ലോക്നാഥ് ബെഹ്റയും സമിതിയിൽ അംഗങ്ങളായിരിക്കും.

നവംബര്‍ 17ന് മകരവിളക്ക് തീര്‍ത്ഥാടനം ആരംഭിക്കുന്നതിനു മുൻപായി തകര്‍ന്ന റോഡുകളും പാലങ്ങളും കെട്ടിടങ്ങളും സമയബന്ധിതമായി പുനര്‍നിര്‍മിക്കേണ്ടത് അത്യാവശ്യമാണെന്ന് മുഖ്യമന്ത്രി ചൂണ്ടിക്കാട്ടി.

പ്രളയത്തിൽ തകര്‍ന്ന കേരളത്തെ മികച്ച നിലയിൽ പുനര്‍നിര്‍മിക്കുന്നതിനുള്ള പദ്ധതിയുടെ കൺസള്‍ട്ടന്‍റ് പാര്‍ട്‍‍നറായി കെപിഎംജിയെ നിയമിക്കാൻ തീരുമാനിച്ചു. കെ.പി.എം.ജി സൗജന്യമായായിരിക്കും സേവനം നല്‍കുക.