അരൂരില്‍ ഊബര്‍ ടാക്സി ഡ്രൈവര്‍ക്ക് മര്‍ദ്ദനം

ആലപ്പുഴ: അരൂരിൽ ഊബർ ടാക്സി ഡ്രൈവർക്ക് നേരെ ടാക്സി ഡ്രൈവര്‍മാരുടെ മര്‍ദ്ദനം. എഴുപുന്ന സ്വദേശി റോജിമോനാണ് നഗരമധ്യത്തിൽ വെച്ച് കൊടിയ മര്‍ദനമേറ്റത്. അരൂരിൽ നിന്ന് ഫോര്‍ട്ട് കൊച്ചിയിലേക്ക് ട്രിപ്പെടുക്കാൻ എത്തിയ റെജിമോനെ അരൂർ ടാക്സി സ്റ്റാന്‍റിലെ ഡ്രൈവർമാര്‍ ആക്രമിക്കുകയായിരുന്നു.

യാത്രക്കാരെ കയറ്റുന്നതിനിടെ വലിച്ചിറക്കി മർദിക്കുകയായിരുന്നു എന്ന് റെജിമോൻ പരാതിയിൽ വ്യക്തമാക്കി. റെജിമോനെ തുറവൂര്‍ ആശുപത്രിയിൽ പ്രവേശിപ്പിച്ചിരിക്കുകയാണിപ്പോൾ.