പിഴല പാലം തകര്‍ന്ന സംഭവത്തില്‍ അന്വേഷണത്തിന് സമിതി

കൊച്ചി: നിര്‍മാണത്തിലിരുന്ന മൂലമ്പിള്ളി - പിഴല പാലത്തിന്‍റെ ഗര്‍ഡറുകള്‍ തകര്‍ന്ന സംഭവത്തില്‍ അന്വേഷണം നടത്തി റിപ്പോര്‍ട്ട് സമര്‍പ്പിക്കാന്‍ സാങ്കേതിക സമിതിക്ക് ബുധനാഴ്ച രൂപം നല്‍കുമെന്ന് ജില്ലാ കളക്ടര്‍ മുഹമ്മദ് വൈ സഫിറുള്ള അറിയിച്ചു.

സമിതി ഒരാഴ്ചയ്ക്കകം റിപ്പോര്‍ട്ട് നല്‍കും. ഇതിന്‍റെ അടിസ്ഥാനത്തില്‍ തുടര്‍നടപടികള്‍ സ്വീകരിക്കുമെന്നും ജില്ലാ കളക്ടര്‍ വ്യക്തമാക്കി.

മാര്‍ച്ച് 18ന് ആണ് പിഴല-മൂലമ്പിള്ളി പാലം തകർന്നുവീണത്. നിർമ്മാണത്തിലിരുന്ന പാലത്തിന്‍റെ ഒരു തൂൺ തകർന്നു വീഴുകയായിരുന്നു. കൺസ്ട്രക്ഷൻ കോർപ്പറേഷന്‍റെ കീഴിൽ 86 കോടി രൂപയുടെ എസ്റ്റിമേറ്റോടെ പണി പൂർത്തിയായി വന്ന പാലമാണ് അപകടത്തിൽ പെട്ടത്. കടമക്കുടി ദ്വീപ് നിവാസികളുടെ ഏറെ നാളായുള്ള ആവശ്യത്തിന്‍റെ ഫലമായിരുന്നു ഈ പാലം.

Technical committee to investigate Pizhala mishap

Ernakulam district collector has decided to convene a technical committee to probe the collapse of under construction Pizhala bridge.