കളിക്കുന്നതിനിടെ കയര്‍ കഴുത്തില്‍ കുരുങ്ങി; പത്തു വയസ്സുകാരന് ദാരുണാന്ത്യം

പാലക്കാട്: കളിക്കുന്നതിനിടെ കയര്‍ കഴുത്തില്‍ കുരുങ്ങി പത്തു വയസ്സുകാരന് ദാരുണാന്ത്യം. പാലക്കാട് ഇരട്ടയാലില്‍ ഇന്ന് രാവിലെയാണ് സംഭവം. ഇരട്ടയാല്‍ സ്വദേശി രാമചന്ദ്രന്റെയും ലതയുടെയും മകന്‍ അതുല്‍ ആണ് മരിച്ചത്. മരുതറോഡ് എന്‍എസ്എശ് സ്‌കൂളിലെ നാലാം ക്ലാസ് വിദ്യാര്‍ഥിയാണ് അതുല്‍.

കളിക്കുന്നതിനിടെ കുട്ടിയുടെ കഴുത്തില്‍ കയര്‍ കുരുങ്ങി മരിക്കുകയായിരുന്നെന്നാണ് പ്രാഥമിക വിവരം. സംഭവത്തില്‍ എന്തെങ്കിലും ദുരൂഹത ഉണ്ടോയെന്ന് പോലീസ് അന്വേഷിച്ചുവരികയാണ്.