താ​മ​ര​ശേ​രി ചു​ര​ത്തി​ല്‍ വാ​ഹ​ന​ങ്ങ​ള്‍ ഓ​ടി​ത്തു​ട​ങ്ങും

താമരശേരി: താമരശേരി ചുരത്തില്‍ ഞായറാഴ്ച മുതല്‍ യാത്രാ വാഹനങ്ങള്‍ ഓടിത്തുടങ്ങും. കെഎസ്‌ആര്‍ടിസി അടക്കമുള്ള യാത്രാ വാഹനങ്ങള്‍ കടത്തിവിടുമെന്ന് തൊഴില്‍ മന്ത്രി ടി.പി. രാമകൃഷ്ണനും ഗതാഗതമന്ത്രി എ.കെ. ശശീന്ദ്രനും അറിയിച്ചു.

വണ്‍വേ അടിസ്ഥാനത്തിലായിരിക്കും വാഹനങ്ങള്‍ കടത്തി വിടുക. ചരക്ക് വാഹനങ്ങള്‍ക്ക് നിലവിലുള്ള നിരോധനം തുടരും. എന്‍ജിനിയര്‍മാര്‍ പരിശോധിച്ച്‌ ഉറപ്പ് വരുത്തിയതിന് ശേഷമാണ് ബസുകളടക്കമുള്ള യാത്രാ വാഹനങ്ങള്‍ കടത്തി വിടാന്‍ തീരുമാനിച്ചത്.