ലോറി ക്ലീനര്‍ കൊല്ലപ്പെട്ട സംഭവം: മനുഷ്യാവകാശ കമ്മീഷന്‍ കേസെടുത്തു

പാലക്കാട്: ചരക്കു ലോറി സമരത്തിനിടെയുണ്ടായ കല്ലേറില്‍ ലോറി ക്ലീനര്‍ മരിച്ച സംഭവത്തില്‍ മനുഷ്യവകാശ കമ്മീഷന്‍ കേസെടുത്തു. മരിച്ച മേട്ടുപ്പാളയം സ്വദേശി മുബാറക് ബാഷക്ക് സംഭവത്തിന് ശേഷം വിദഗ്ധ ചികിത്സ ലഭ്യമാക്കിയോ എന്ന കാര്യം പരിശോധിച്ച് പാലക്കാട് ജില്ലാ പൊലീസ് മേധാവി റിപ്പോർട്ട് നൽകണമെന്ന് കമീഷൻ അംഗം കെ മോഹൻകുമാർ ആവശ്യപ്പെട്ടു.

മരിച്ച ബാഷയുടെ ബന്ധുക്കള്‍ക്ക് നഷ്ടപരിഹാരം നല്‍കാന്‍ തീരുമാനമായിട്ടുണ്ടെങ്കില്‍ അതുമായി ബന്ധപ്പെട്ട എല്ലാ വിവരങ്ങളും കമ്മീഷനെ അറിയിക്കണം.

ബാഷയുടെ മരണത്തിന് ഉത്തരവാദികളായവരെ ഉടന്‍ തന്നെ നിയമത്തിന് മുന്നില്‍ കൊണ്ടുവരാന്‍ ശ്രമിക്കുമെന്നും കമ്മീഷന്‍ പറഞ്ഞു. മാധ്യമ വാർത്തകളുടെ അടിസ്ഥാനത്തിൽ സ്വമേധയാ രജിസ്റ്റർ ചെയ്ത കേസിലാണ് നടപടി.