നേത്രാവതി എക്‌സ്‌പ്രസിൽ തീകൊളുത്തിയ യുവാവ് ‌മരിച്ചു

കൊച്ചി: കഴിഞ്ഞയാഴ്‌ച നേത്രാവതി എക്‌സ്‌പ്രസിലെ ടോയ്‌ലറ്റിൽ കയറി തീകൊളുത്തിയ യുവാവ് ‌മരിച്ചു. തമിഴ്‌നാട് ‌വെല്ലൂർ സ്വദേശി നിവാസ് ആണ് മരിച്ചത്. ശരീരമാസകലം പൊള്ളലേറ്റ് എറണാകുളത്തെ മെഡിക്കൽ സെന്ററിൽ ചികിത്സയിലായിരുന്ന നിവാസ് ഇന്ന് ഉച്ചയോടെയാണ് മരിച്ചത്. ആന്തരാവയവങ്ങൾക്കേറ്റ ഗുരുതരമായ പൊള്ളലാണ് മരണകാരണമെന്ന് ആശുപത്രി അധികൃതർ സ്ഥിരീകരിച്ചു.

കഴിഞ്ഞ ബുധനാഴ്‌ചയാണ് കായം‌കുളം സ്‌റ്റേഷനിൽ വെച്ച് നേത്രാവതി എക്‌സ്‌പ്രസിലെ ടോയ്‌ലറ്റിൽ ‌കയറി ഇയാൾ പെട്രോളൊഴിച്ച് തീകൊളുത്തിയത്. യാത്രക്കാരുടെ ബാഗ് ‌തട്ടിപ്പറിക്കാൻ ശ്രമിച്ച നിവാസിനെ പിടികൂടാൻ ശ്രമിച്ചപ്പോൾ ടോയ്‌ലറ്റിൽ കയറി തീകൊളുത്തുകയായിരുന്നു. തുടർന്ന് യാത്രക്കാർ ടോയ്‌ലറ്റിന്റെ വാതിൽ ചവിട്ടിപ്പൊളിച്ച് തീയണച്ചാണ് ഇയാളെ ‌പുറത്തെടുത്തത്.

യുവാവിന് മാനസികാസ്വാസ്ഥ്യമുള്ളതായി ‌പോലീസ് ‌കണ്ടെത്തിയിരുന്നു. ‌ഇയാൾക്കെതിരെ പോലീസ് ‌കേസെടുക്കുകയും ചെയ്‌തിരുന്നു.