ദൃശ്യങ്ങൾ ദിലീപിനു നൽകാനാകില്ലെന്ന് പൊലീസ്

അങ്കമാലി: നടിയെ ആക്രമിച്ച സംഭവത്തിലെ ദൃശ്യങ്ങള്‍ കേസിലെ പ്രതി ദിലീപിന് നൽകാനാകില്ലെന്ന നിലപാട് ആവര്‍ത്തിച്ച് പോലീസ്. ദൃശ്യങ്ങൾ ആവശ്യപ്പെട്ടുളള ദിലീപിന്‍റെ അപേക്ഷ പരിഗണിക്കവേയാണ് പ്രോസിക്യൂഷൻ നിലപാട് ആവർത്തിച്ചത്.

ഇക്കാര്യം വ്യക്തമാക്കിക്കൊണ്ടുളള രേഖാമൂലമുളള റിപ്പോർട്ടും പ്രോസിക്യൂഷൻ കോടതിയിൽ സമർപ്പിച്ചിട്ടുണ്ട് .
നടിയെ ആക്രമിച്ചതുമായി ബന്ധപ്പെട്ട് കോടതിയിൽ സമർപ്പിച്ച ദൃശ്യങ്ങളിൽ ക്രമക്കേട് നടന്നിട്ടുണ്ടെന്നും ഇക്കാര്യം കേസ് വിസ്താര വേളയിൽ െതളിയിക്കാനായി ദൃശ്യങ്ങൾ നൽകണമെന്നുമാണ് ദിലീപിന്‍റെ വാദം

ദൃശ്യങ്ങൾ പ്രതിഭാഗത്തിനു ലഭിച്ചാൽ ഇരയുടെ സുരക്ഷയെ ബാധിക്കുമെന്ന് പ്രോസിക്യൂഷന്‍ നേരത്തേ വാദിച്ചിരുന്നു.