ശബരിമലയിൽ കസ്റ്റഡിയിലെടുത്തവരുടെ ഹര്‍ജി തള്ളി

കൊച്ചി: മുമ്പുണ്ടായിരുന്നതുപോലുള്ള പ്രശ്നങ്ങള്‍ ഇപ്പോള്‍ ശബരിമലയിലില്ലെന്നും സുഗമമായി ദര്‍ശനം നടത്താനുള്ള സാഹചര്യം നിലവിലുണ്ടെന്നും ഹൈക്കോടതി. ശബരിമലയിൽ ദര്‍ശനം നടത്താനെത്തിയ തങ്ങളെ തടഞ്ഞു എന്ന് പറഞ്ഞ് ചാലക്കുടി സ്വദേശികളായ മൂന്ന് പേര്‍ സമര്‍പ്പിച്ച ഹര്‍ജി പരിഗണിക്കവേയാണ് ഹൈക്കോടതിയുടെ നിരീക്ഷണം.

മണ്ഡലകാലം തുടങ്ങിയപ്പോഴുള്ള അവസ്ഥമാറി, ഇപ്പോള്‍ സമാധാന അന്തരീക്ഷമാണ് ശബരിമലയിലുള്ളത്. ബിജെപി കുറച്ചുദിവങ്ങള്‍ക്ക് മുമ്പ് പുറത്തിറക്കിയ വിവാദമായ സര്‍ക്കുലറിൽ പേരുണ്ടായിരുന്നവേയാണ് പോലീസ് കസ്റ്റഡിയിലെടുത്തതായ സാഹചര്യം ഉണ്ടായതെന്ന് സര്‍ക്കാര്‍ അഭിഭാഷകൻ കോടതിയിൽ അറിയിച്ചിട്ടുണ്ട്.

ചാലക്കുടിയിൽ നിന്നെത്തിയ 25 അംഗസംഘത്തിൽ ഉള്‍പ്പെട്ട അഖിൽ, ബിബിൻ, വിപിൻ എന്നിവരെയാണ് പോലീസ് തടഞ്ഞത്. ഇവര്‍ ചാലക്കുടിയില്‍ ശബരിമല വിഷയത്തിൽ പ്രതിഷേധം സംഘടിപ്പിച്ചവരാണെന്ന് പോലീസിന് വിവരം ലഭിച്ചതോടെയാണ് തടഞ്ഞത്. ഇതോടെ തങ്ങളെ തടഞ്ഞുവെന്നാരോപിച്ച് ഇവർ സമര്‍പ്പിച്ച ഹര്‍ജി ഹൈക്കോടതി തള്ളുകയായിരുന്നു.

ചിത്രം: രാകേഷ് നായര്‍ (TOI)