അവയവ ദാനത്തിന് തടസ്സങ്ങളൊന്നുമില്ലെന്ന് ആരോഗ്യമന്ത്രി

തിരുവനന്തപുരം: സംസ്ഥാനത്ത് അവയവ ദാനത്തിന് തടസ്സങ്ങളൊന്നുമില്ലെന്ന് ആരോഗ്യമന്ത്രി കെ.കെ. ശൈലജ. അങ്ങേയറ്റം ആവശ്യമായ നിബന്ധനകള്‍ മാത്രമേ അവയവ ദാനത്തിന് സർക്കാർ നിർദേശിച്ചിട്ടുള്ളൂ എന്ന് മന്ത്രി പറഞ്ഞു.

മസ്തിഷ്ക മരണം സ്ഥിരീകരിക്കുന്ന സമിതിയില്‍ സര്‍ക്കാര്‍ ഡോക്ടര്‍ ഉണ്ടാവണമെന്ന് സർക്കാർ നിർദേശം നൽകിയിട്ടുണ്ട്. അതിൽ എന്താണ് തെറ്റെന്നും ആരോഗ്യമന്ത്രി ചോദിച്ചു.

അവയവദാനത്തിന്റെ മറവില്‍ ചൂഷണം ഒഴിവാക്കാനും സുതാര്യത ഉറപ്പുവരുത്താനും സര്‍ക്കാര്‍ നടപടി സ്വീകരിച്ചിരുന്നു. നടപടി ക്രമങ്ങളുടെ ദൃശ്യങ്ങള്‍ പകര്‍ത്തണം. ജീവിച്ചിരിക്കേ അവയവ ദാനം നടത്തുന്നവരുടെ വിവരങ്ങൾ സൂക്ഷിക്കണം എന്നിവയാണ് സര്‍ക്കാരിന്റെ നിര്‍ദ്ദേശങ്ങള്‍.

There is no obstacles to organ donation in Kerala says K. K. Shailaja

Kerala Health Minister K. K. Shailaja said there is no obstacles to organ donation in Kerala.