എസ്‍പിസി ക്യാമ്പിൽ ഭക്ഷ്യവിഷ ബാധ: 36 വിദ്യാർഥികൾ ചികിത്സ തേടി

കോഴിക്കോട്: സ്റ്റുഡന്റ് പോലീസ് കേഡറ്റ് ക്യാമ്പിൽ ഭക്ഷ്യ വിഷബാധ. 36 വിദ്യാർഥികളെ ഭക്ഷ്യവിഷബാധയേറ്റതിനെ തുടർന്ന് ആശുപത്രിയിൽ പ്രവേശിപ്പിച്ചു. പേരാമ്പ്ര താലൂക്ക് ആശുപത്രിയിലാണ് ഇവരെ പ്രവേശിപ്പിച്ചത്.

ആശുപത്രിയിൽ 14 വിദ്യാർഥികളെ അഡ്‌മിറ്റ്‌ ചെയ്തു. ഇവരുടെ നില തൃപ്തികരമാണെന്ന് ഡോക്ടർമാർ വ്യക്തമാക്കി. കൊടുവള്ളി എംജെഎച്ച്എസ്എസിലെ എസ്‌പിസി ക്യാമ്പിലാണ് ഭക്ഷ്യവിഷബാധ ഉണ്ടായത്.