ഐപി ബിനുവിന് സീറ്റില്ല; പൂന്തോട്ട ഉദ്ഘാടനത്തിൽ നിന്നും ഒഴിവാക്കി; സിപിഎമ്മിൽ ചർച്ച

തിരുവനന്തപുരം: എരുമക്കുഴി പൂന്തോട്ടത്തിന്റെ ഉദ്ഘാടനത്തിന് തിരുവനന്തപുരം ആരോഗ്യകാര്യ സ്റ്റാന്റിങ് കമ്മിറ്റി ചെയർമാർ ഐപി ബിനുവിനെ ഒഴിവാക്കിയത് ചർച്ചയാകുന്നു. തിരുവനന്തപുരത്തെ മാലിന്യ സംഭരണ ശാലയായിരുന്ന എരുമക്കുഴിയെ പൂന്തോട്ടമാക്കുന്നതിനു പിന്നിൽ പ്രവർത്തിച്ചത് കോർപ്പറേഷന്റെ ആരോഗ്യ വിഭാഗമായിരുന്നു.

Also Read: സോളർ കേസ് പ്രതിയുടെ പരാതി; മുല്ലപ്പള്ളി രാമചന്ദ്രനെതിരെ കേസെടുത്തു, പോലീസ് നടപടി സ്‌ത്രീവിരുദ്ധ പരാമർശത്തിൽ

വരുന്ന തദ്ദേശ തെരഞ്ഞെടുപ്പിൽ ഐപി ബിനുവിന് സീറ്റ് നൽകിയിട്ടില്ല. ഇതിനു പിന്നാലെയാണ് കോർപ്പറേഷന്റെ പരിപാടിയിൽ നിന്നും ഐപി ബിനുവിനെ ഒഴിവാക്കിയത്. മുഖ്യമന്ത്രിയാണ് എരുമക്കുഴിയിലെ പൂന്തോട്ടം ഉദ്ഘാടനം ചെയ്തത്. ഐപി ബിനുവിനെ പരിപാടിയിൽ നിന്നും ഒഴിവാക്കിയ നടപടി സിപിഎമ്മിൽ ചർച്ചയായിട്ടുണ്ട്.

Also Read: 'പരിഭവം' തീർക്കാൻ കെ സുരേന്ദ്രൻ; ശോഭ സുരേന്ദ്രനെക്കുറിച്ച് 'പറയാൻ നല്ലതു മാത്രം'

പൂന്തോട്ടത്തിലെ ശിലാഫലകത്തിലും ഐപി ബിനുവിന്റെ പേരില്ല. എന്നാൽ വിരമിച്ച ഉദ്യോഗസ്ഥരുടെ പേരടക്കം ഫലകത്തിലുണ്ട്. ഐപി ബിനു പ്രതിനിധീകരിച്ചിരുന്ന കുന്നുകുഴി വാർഡിൽ ഇക്കുറി വനിതാ സംവരണമാണ്. വനിതാ സംവണ വാർഡ് ആയതിനാൽ മേയർ കെ ശ്രീകുമാറടക്കമുള്ള മറ്റ് നേതാക്കൾക്ക് പുതിയ വാർഡുകളിൽ സീറ്റ് നൽകിയിരുന്നു. എന്നാൽ ഐപി ബിനുവിന് സീറ്റ് നിഷേധിക്കുകയായിരുന്നു.