മൂന്ന് വയസുള്ള മകളെ കൊലപ്പെടുത്തി അമ്മ ആത്മഹത്യ ചെയ്തു
മൂന്ന് വയസുള്ള മകളെയാണ് മീര കൊലപ്പെടുത്തിയത്. സ്വന്തം സാരിയിൽ തന്നെയാണ് മീരയെയും തൂങ്ങി മരിച്ച നിലയിൽ കണ്ടെത്തിയത്. മൂന്ന് വയസുള്ള മകളെയാണ് മീര കൊലപ്പെടുത്തിയത്. സ്വന്തം സാരിയിൽ തന്നെയാണ് മീരയെയും തൂങ്ങി മരിച്ച നിലയിൽ കണ്ടെത്തിയത്.
Samayam Malayalam 14 Feb 2020, 12:15 pm
കല്ലറ: മകളെ കൊലപ്പെടുത്തി അമ്മ ജീവനൊടുക്കിയ നിലയിൽ. കല്ലറ തെങ്ങുംകോട് പെരുമ്പേലി തടത്തരികത്തു വീട്ടിൽ രാഹുലിന്റെ ഭാര്യ ജി. മീര (24)യെയും മകൾ മൂന്ന് വായസുകാരി ഋഷികയെയുമാണ് മരിച്ച നിലയിൽ കണ്ടെത്തിയത്.
ലൈഫ് പദ്ധതിയിൽ ഉൾപ്പെട്ട നിർമാണം നടക്കുന്ന വീട്ടിലാണ് ഇവർ താമസിച്ചിരുന്നത്. സോഷ്യൽ ഓഡിറ്റ് യൂണിറ്റിന്റെ കീഴിൽ വില്ലേജ് റിസോഴ്സ് പേഴ്സൺ തസ്തികയിൽ താൽകാലിക ജീവനക്കാരിയായിരുന്നു മീര. മീര സാരിയിൽ തൂങ്ങി മരിച്ച നിലയിലും അതെ സാരിയുടെ മറ്റേ തുമ്പിൽ മകളെ കെട്ടിത്തൂക്കി കൊലപ്പെടുത്തിയ നിലയിലുമാണ് മൃതദേഹങ്ങൾ കണ്ടെത്തിയത്.
Also Read: വ്യവസായിയെ ബ്ലാക്മെയിൽ ചെയ്ത് പണം തട്ടി; മേക്കപ്പ് ആർട്ടിസ്റ്റിന്റെ സംഘത്തിലെ എല്ലാ പ്രതികളും പിടിയിൽ
മീരയുടെ ഭർത്താവ് കെട്ടിടനിർമാണ തൊഴിലാളിയാണ്. ഇന്നലെ ഉച്ചഭക്ഷണത്തിന് മകളെ അന്വേഷിച്ചെത്തി മീരയുടെ അമ്മ ഗിരിജയാണ് ഇരുവരെയും മരിച്ച നിലയിൽ കണ്ടെത്തിയത്. ആ സമയത്ത് ഭർത്താവ് വീട്ടിലുണ്ടായിരുന്നില്ല.
Also Read: കൊല്ലത്ത് ഓട്ടോറിക്ഷയും മിനി ലോറിയും കൂട്ടിയിടിച്ച് രണ്ട് പേര് മരിച്ചു
മീര എഴുതിയതെന്ന് കരുതപ്പെടുന്ന കത്ത് കണ്ടെത്തിയുട്ടുണ്ടെന്ന് പാങ്ങോട് പോലീസ് പറഞ്ഞു. വീട്ടിൽ ഇന്നലെ ഉണ്ടായ വാക്കുതർക്കമാണ് ആത്മഹത്യയിലേക്കും കൊലപാതകത്തിലേക്കും നയിച്ചതെന്നാണ് സൂചന. മീരയുടെയും മകളുടെയും മൃതദേഹങ്ങൾ മെഡിക്കൽ കോളജ് ആശുപത്രിയിൽ സൂക്ഷിച്ചിട്ടുണ്ട്.