വെഞ്ഞാറമ്മൂട്: റിട്ടയേർഡ് എഎസ്ഐയെ വീണ് പരിക്കേറ്റ് രക്തം വാർന്ന് മരിച്ച നിലയിൽ കണ്ടെത്തി. വാമനപുരം കാഞ്ഞിരംപാറ ചരുവിള പുത്തൻവീട്ടിൽ ജഗദൻ (62) ആണ് വീണ് മരിച്ചത്. ഇന്നലെ രാവിലെയാണ് ജഗദനെ വീടിന് പിൻവശത്ത് മരിച്ച നിലയിൽ കണ്ടെത്തിയത്.
ശനിയാഴ്ച ജഗദൻ കാരേറ്റ് പോയിരുന്നു. ഏറെ വൈകിയും തിരികെ വരാതിരുന്നതിനെ തുടർന്ന് സമീപത്തെ വീടുകളിലും മറ്റും അന്വേഷിച്ചെങ്കിളിയും കണ്ടെത്താൻ കഴിഞ്ഞിരുന്നില്ല. വീടിന്റെ പിൻവശത്തുള്ള ചരിവുള്ള സ്ഥലത്ത് കൂടി നടന്ന് വന്നപ്പോഴാണ് അപകടം സംഭവിച്ചതെന്നാണ് നിഗമനം.
Also Read: W 551 Lottery: വിന് വിന് ലോട്ടറി നറുക്കെടുപ്പ് ഇന്ന് മൂന്ന് മണിയ്ക്ക്
ചരിവുള്ള ഭാഗത്ത് കൂടി നടക്കുന്നതിനിടെ 15 അടിയോളം താഴേക്ക് കാൽവഴുതിയാണ് വീട്ട് മുറ്റത്തേക്ക് ജഗദൻ വീണതെന്നാണ് സൂചന. കാൽ വഴുതിയതിന്റെ പാടുകളും കൈയ്യിൽ ഇലകളും പോലീസ് കണ്ടെത്തിയിരുന്നു. കാൽ വഴുതിയപ്പോൾ വീഴാതിരിക്കാൻ പിടിച്ച മരക്കൊമ്പിന്റെ ഇലകൾ ആയിരിക്കാം ഇതെന്നാണ് പോലീസ് നിഗമനം. ജഗദന്റെ തല കല്ലിൽ ഇടിച്ച് പരിക്കേറ്റ് രക്തം വാർന്നാണ് മരണം സംഭവിച്ചത്. മൃതദേഹം പിന്നീട് പോലീസ് തിരുവനന്തപുരം മെഡിക്കൽ കോളജിലേക്ക് മാറ്റി. ജഗദന്റെ സംസ്കാരം ഇന്ന് നടക്കും.