ഓണം ബംപര്‍ നറുക്കെടുപ്പ് ഇന്നില്ല; 22ലേക്കു മാറ്റി

തിരുവനന്തപുരം: കനത്ത മഴ മൂലം ടിക്കറ്റ് വില്‍പന മന്ദഗതിയിലായതിനാൽ ഇന്നു നടക്കേണ്ട നറുക്കെടുപ്പ് 22ലേക്കു മാറ്റി. ചരിത്രത്തിലെ ഏറ്റവും വലിയ നറുക്കെടുപ്പാണ് 22ന് ഉച്ചയ്ക്കു രണ്ടിനു നടക്കുന്നത്. ഉദ്ഘാടനം മന്ത്രി കടകംപള്ളി സുരേന്ദ്രന്‍ നിര്‍വഹിക്കും. അച്ചടിച്ച 60 ലക്ഷം ടിക്കറ്റുകള്‍ വിറ്റഴിഞ്ഞതോടെ 10 കോടി രൂപയുടെ ഓണം ബംപര്‍ നറുക്കെടുപ്പിനായി അഞ്ചു ലക്ഷം ടിക്കറ്റുകള്‍ കൂടി ലോട്ടറി വകുപ്പ് അച്ചടിച്ചു. ഇവ വിറ്റഴിക്കാനായാണ് നറുക്കെടുപ്പ് രണ്ടു ദിവസത്തേക്കു കൂടി നീട്ടി.

ഓണം ബംപര്‍ അടിക്കാനിരിക്കുന്ന ഭാഗ്യവാനെ തേടിയെത്തുക പത്ത് കോടി രൂപയുടെ സമ്മാന തുകയാണെങ്കിലും ഇത്തവണ സര്‍ക്കാറിനെ സംബന്ധിച്ചിടത്തോളം വലിയ ലാഭമാണ് ലോട്ടറി വില്‍പ്പനയില്‍ ഉണ്ടായിരിക്കുനന്ത്. ദിവസം ഒരു ലക്ഷം ടിക്കറ്റെന്ന നിരക്കിലാണ് ഓണംബംപര്‍ വിറ്റഴിഞ്ഞത്. ടിക്കറ്റ് വില്‍പന 108 കോടിയും പിന്നിട്ടാണ് കുതിച്ചത്. നേരത്തെ പുറത്തുവന്ന കണക്കുകള്‍ പ്രകാരം സെപ്റ്റംബര്‍ 11ാം തീയ്യതി ഉച്ചയ്ക്ക് വരെ 43,46,000 ടിക്കറ്റുകള്‍ വിറ്റിട്ടുണ്ട്. 250 രൂപയാണ് ടിക്കറ്റിന്റെ വിലയെന്നിരിക്കെയാണ് അതിശയ വില്‍പന. അച്ചടിച്ച 60 ലക്ഷം ടിക്കറ്റുകള്‍ വിറ്റഴിഞ്ഞതോടെ 10 കോടി രൂപയുടെ ഓണം ബംപര്‍ നറുക്കെടുപ്പിനായി അഞ്ചു ലക്ഷം ടിക്കറ്റുകള്‍ കൂടി ലോട്ടറി വകുപ്പ് അച്ചടിച്ചു. ഇവ വിറ്റഴിക്കാനായി നറുക്കെടുപ്പ് രണ്ടു ദിവസത്തേക്കു കൂടി നീട്ടി.

ആദ്യം 48 ലക്ഷം ടിക്കറ്റുകളാണ് വില്‍പനയ്ക്കായി അച്ചടിച്ചത്. ഇത് ഉടനെ വിറ്റ് തീര്‍ന്നതിന് പിന്നാലെ 12 ലക്ഷം ടിക്കറ്റുകള്‍ കൂടി അച്ചടിച്ചു. ഇത് കൂടാതെയാണ് അഞ്ച് ലക്ഷം ടിക്കറ്റുകള്‍ കൂടി അച്ചടിച്ചത്. പപരമാവധി 90 ലക്ഷം ടിക്കറ്റുകള്‍ അച്ചടിക്കാനുള്ള അനുമതിയാണുള്ളത്. നറുക്ക് അടിക്കുന്ന ഭാഗ്യവാന്മാരെ കാത്തിരിക്കുന്നത് 61.81 കോടിയുടെ സമ്മാനങ്ങളാണ്.

THIRUVONAM BUMPER Result 2017

THIRUVONAM BUMPER Result 2017 POSTPONED.