തോമസ് ചാണ്ടി കേസ്; രണ്ടാമത്തെ ഹിയറിങ് ഇന്ന്

ആലപ്പുഴ: മന്ത്രി തോമസ് ചാണ്ടിയുടെ വിവാദ ഭൂമി ഇടപാട് സംബന്ധിച്ച് കളക്ടറുടെ രണ്ടാമത്തെ ഹിയറിങ് ഇന്ന് നടക്കും. വൈകിട്ട് നാലിന് ആലപ്പുഴ ജില്ലാ കളക്ടറുടെ ചേമ്പറിലാണ് ഹിയറിങ്.
ലേക് പാലസ് റിസോര്‍ട്ട് കമ്പനിയായ വാട്ടര്‍വേള്‍ഡ് ടൂറിസം കമ്പനി അധികൃതരും സ്ഥലമുടമകളും ഉദ്യോഗസ്ഥരും ഹിയറിങ്ങിൽ ഹാജരാകും.

ആദ്യ ഹിയറിങില്‍ കമ്പനി അധികൃതര്‍ക്ക് മതിയായ രേഖകള്‍‍ ഹാജരാക്കാന്‍ കഴിഞ്ഞിരുന്നില്ല.പാര്‍ക്കിംഗ് സ്ഥലം കമ്പനിയുടെ ഉടമസ്ഥതതയിലല്ലെന്ന വാദമാണ് അന്ന് കമ്പനി ജില്ലാ കളക്ടറെ അറിയിച്ചത്. മതിയായ രേഖകള്‍ ഹാജരാക്കാന്‍ ഒരാഴ്ച കൂടി സമയം കളക്ടര്‍ അനുവദിക്കുകയായിരുന്നു

റിസോര്‍ട്ടിനോട് അനുബന്ധിച്ചുള്ള പാര്‍ക്കിങ് സ്ഥലവും പ്രധാന ഗേറ്റിലേക്കുള്ള അപ്രോച്ച് റോഡുമാണ് നെല്‍വയല്‍ തണ്ണീര്‍ത്തട സംരക്ഷണ നിയമം ഭേദിച്ച് നി‍ര്‍മിച്ചിരിക്കുന്നത്. ഇന്ന് നടക്കുന്ന ഹിയറിംഗിലും അനുമതി രേഖകള്‍ ഹാജരാക്കാനായില്ലെങ്കില്‍ അനധികൃതമായി നിര്‍മിച്ചവ പൊളിച്ചുമാറ്റുന്നതടക്കമുള്ള നടപടികളിലേക്ക് കളക്ടര്‍ കടക്കുമെന്നാണ് സൂചന.

Transport Minister Thomas Chandy's Resort issue:

Alappuzha District Collector Anupama will summon the representatives for second hearing regarding Transport minister Thomas Chandy's Lake Resort