കായൽ കയ്യേറിയിട്ടില്ലെന്ന് മന്ത്രി തോമസ് ചാണ്ടി

ആലപ്പുഴ: താൻ ഒരു സെന്‍റ് ഭൂമി പോലും കയ്യേറിയിട്ടില്ലെന്നും ഇപ്പോൾ നടക്കുന്ന പ്രചാരണങ്ങൾക്ക് പിന്നിൽ ഗൂഢാലോചന നടന്നിട്ടുണ്ടെന്നും ഗതാഗത മന്ത്രി തോമസ് ചാണ്ടി. താൻ നികത്തിയെന്ന് പറയുന്ന വയലിൽ നിന്ന് മണ്ണ് നീക്കാൻ തയ്യാറാണ്. വഴി ഏതാണെന്ന് സർക്കാർ കാണിച്ചു തന്നാൽ മതിയെന്നും തോമസ് ചാണ്ടി പ്രതികരിച്ചു. തനിക്കെതിരെ ഗൂഢാലോചന നടത്തിയ വ്യക്തിയുടെ പേര് മന്ത്രി വെളിപ്പെടുത്തിയില്ല.

ഇപ്പോൾ താൻ മന്ത്രിസ്ഥാനം രാജി വെക്കേണ്ട ആവശ്യമില്ലെന്ന് മന്ത്രി മാധ്യമങ്ങളോട് വ്യക്തമാക്കി. കരഭൂമിയായി തീറാധാരമുള്ള സ്ഥലമാണ് താൻ ഏറ്റെടുത്തത്. ആലപ്പുഴ ജില്ലാ കളക്ടർ തന്‍റെ വാദം കേൾക്കാതെയാണ് റിപ്പോർട്ട് തയ്യാറാക്കിയതെന്നും തോമസ് ചാണ്ടി ആരോപിച്ചു. അനധികൃതമായി റിസോർട്ട് കെട്ടിടങ്ങൾ നിർമിച്ചിട്ടുണ്ടോ എന്ന മാധ്യമങ്ങളുടെ ചോദ്യത്തിന് മന്ത്രി വ്യക്തമായ മറുപടി നൽകിയില്ല. ആലപ്പുഴ മുനിസിപ്പാലിറ്റിയിൽ നിന്ന് ലേക് പാലസ് റിസോർട്ട് രേഖകൾ കാണാതായതിനെ കുറിച്ചും മന്ത്രി പ്രതികരിച്ചില്ല.

Thomas Chandy denied allegations against him

Transport minister Thomas Chandy in the press meeting today told he has not done land encroachment.