തോമസ് ചാണ്ടിക്കെതിരായ കേസ്; ഹര്‍ജി പരിഗണിക്കുന്നത് മാറ്റി

കൊച്ചി: ഭൂമി കയ്യേറ്റക്കേസില്‍ മുന്‍മന്ത്രി തോമസ് ചാണ്ടിക്കെതിരായ അന്വേഷണം ചോദ്യം ചെയ്ത് സമര്‍പ്പിച്ച ഹര്‍ജി പരിഗണിക്കുന്നത് ഹൈക്കോടതി മാറ്റി. തോമസ് ചാണ്ടിയുടെ കമ്പനിയായ വാട്ടര്‍വേള്‍ഡ് ടൂറിസം കമ്പനി പൊതുസ്ഥലം കയ്യേറി റോഡ് നിര്‍മ്മിച്ചെന്ന പരാതിയിന്മേല്‍ നടക്കുന്ന അന്വേഷണത്തിനെതിരെയാണ് ഹര്‍ജി സമര്‍പ്പിച്ചത്. ഈ ഹര്‍ജി സെപ്തംബര്‍ 25ലേക്കാണ് ഹൈക്കോടതി മാറ്റിയിരിക്കുന്നത്.

തോമസ് ചാണ്ടി എംപി ഫണ്ട് ഉപയോഗിച്ച് റിസോര്‍ട്ടിലേക്ക് റോഡ് നിര്‍മ്മിച്ചെന്നും ഇത് അഴിമതി നിരോധന നിയമത്തിന്‍റെ പരിധിയില്‍ വരുമെന്നും ചൂണ്ടിക്കാട്ടി ആലപ്പുഴ സ്വദേശി സുഭാഷ് എന്നയാള്‍ കോട്ടയം വിജിലന്‍സ് കോടതിയെ സമീപിച്ചിരുന്നു. ഈ കേസില്‍ എഫ്ഐആര്‍ രജിസ്റ്റര്‍ ചെയ്ത് അന്വേഷണം നടത്താന്‍ കോടതി ഉത്തരവിടുകയായിരുന്നു. ഈ ഉത്തരവിനെതിരെയാണ് വാട്ടര്‍വേള്‍ഡ് ടൂറിസം കമ്പനി ഹൈക്കോടതിയെ സമീപിച്ചത്.