സ്വര്‍ണക്കടത്ത്; നെടുമ്പാശ്ശേരിയില്‍ നിന്ന് മൂന്നേമുക്കാല്‍ കിലോ സ്വര്‍ണം പിടിച്ചെടുത്തു

കൊച്ചി: നെടുമ്പാശ്ശേരി വിമാനത്താവളത്തില്‍ നിന്ന് മൂന്നേമുക്കാല്‍ കിലോ സ്വര്‍ണം പിടിച്ചെടുത്തു. വിമാനത്താവളം വഴി സ്വര്‍ണം കടത്താന്‍ ശ്രമിക്കവെയാണ് പിടിച്ചത്. ഒന്നേകാല്‍ കോടി വിലവരുന്ന സ്വര്‍ണമാണ് പിടിച്ചെടുത്തത്. ഷാര്‍ജ, ദുബായ് എന്നിവിടങ്ങളില്‍ നിന്നും എത്തിയ മലപ്പുറം, കോഴിക്കോട് സ്വദേശികളില്‍ നിന്നാണ് അനധികൃതമായി കടത്താന്‍ സ്വര്‍ണം പിടികൂടിയത്. സംഭവത്തില്‍ മൂന്നുപേര്‍ പിടിയിലായി.

Also Read: രാഷ്ട്രപതി പങ്കെടുത്ത ബിരുദദാന ചടങ്ങില്‍ നിന്നു മലയാളി വിദ്യാര്‍ഥിയെ പുറത്താക്കി

ക്യാപ്‌സൂള്‍, പേസ്റ്റ് എന്നീ രൂപത്തില്‍ ശരീരത്തില്‍ ഒളിപ്പിച്ചാണ് സ്വര്‍ണം കടത്താന്‍ ശ്രമിച്ചത്. ഒന്നേകാല്‍ കിലോ സ്വര്‍ണം ക്യാപ്‌സൂള്‍ രൂപത്തിലാക്കിയും രണ്ടരക്കിലോ സ്വര്‍ണം പേസ്റ്റ് രൂപത്തിലാക്കിയുമാണ് ശരീരത്തില്‍ ഒളിപ്പിച്ചും കാലില്‍ കെട്ടിവെച്ചും കടത്താന്‍ ശ്രമിച്ചത്. എയര്‍ കസ്റ്റംസ് ഇന്റലിജന്‍സാണ് സ്വര്‍ണക്കടത്ത് പിടികൂടിയത്.