ചിമ്മിനി ഡാം തുറക്കും; തൃശൂരില്‍ ജാഗ്രത നിര്‍ദ്ദേശം

തൃശൂ‍ർ: ശക്തമായ മഴ തുടരുന്ന സാഹചര്യത്തില്‍ തൃശൂ‍ർ ജില്ലയിലെ ചിമ്മിനി ഡാമിന്‍റെ ഷട്ടറുകള്‍ ഉയര്‍ത്താന്‍ അധികൃതര്‍ തീരുമാനിച്ചു. ഉച്ചയ്ക്ക് ശേഷം രണ്ടിന് ഡാമിന്‍റെ നാല് ഷട്ടറുകളും ഉയര്‍ത്തും. രണ്ടിഞ്ച് വീതമായിരിക്കും ഷട്ടറുകള്‍ ഉയര്‍ത്തുന്നത്.

കുറുമാലി, കരുവന്നൂര്‍ പുഴയുടെ തീരങ്ങളില്‍ താമസിക്കുന്നവര്‍ ജാഗ്രത പാലിക്കണം. പുഴയില്‍ ഇറങ്ങുന്നതും മീന്‍ പിടിക്കാന്‍ പോകുന്നതും നിരോധിച്ചിട്ടുണ്ട്. തീരപ്രദേശങ്ങളിലെ വീടുകളില്‍ താമസിക്കുന്നവരോട് സുരക്ഷിത കേന്ദ്രങ്ങളിലേക്ക് മാറണമെന്നും നിര്‍ദ്ദേശിച്ചിട്ടുണ്ട്