തൃശൂര്: വിവിധ സംഭവങ്ങളില് പതിമൂന്ന് പേരെ കൊലപ്പെടുത്തിയ തെച്ചിക്കോട്ടുകാവ് രാമചന്ദ്രന് എന്ന കൊമ്പനാനയെ തൃശൂര് പൂരത്തില് വിലക്കാന് തീരുമാനം. നിലവില് പൂരങ്ങളില് ഈ കൊമ്പനെ ഉപയോഗിക്കുന്നത് വിലക്കുണ്ട്. തൃശൂര് ജില്ല കളക്ടര് ടി വി അനുപമയുടെ അധ്യക്ഷതയില് ഇന്ന് ചേര്ന്ന നാട്ടാന നിരീക്ഷണസമിതിയോഗം വിലക്ക് തുടരാന് തീരുമാനിച്ചു. ആന ഇടയാനുള്ള സാഹചര്യം ഉണ്ടെന്നും അതുകൊണ്ട് പൂരത്തിന് എഴുന്നള്ളിക്കരുതെന്നുമാണ് കളക്ടര് നിലപാട് എടുത്തത്.
ആനയ്ക്ക് ചെറിയ ശബ്ദംപോലും പ്രശ്നമുണ്ടാക്കുന്നുണ്ടെന്ന് നേരത്തെ കണ്ടെത്തിയിരുന്നു. ഇതാണ് വിലക്കിന് കാരണം. ആനപ്രേമികള് എന്ന് മാധ്യമങ്ങള് വിശേഷിപ്പിക്കുന്ന ഒരുകൂട്ടം ആളുകള് ഉത്സവത്തിന് തിടമ്പേറ്റാന് തെച്ചിക്കോട്ടുകാവ് രാമചന്ദ്രന് വേണമെന്ന് ആവശ്യപ്പെട്ട് നിവേദനം നല്കിയിരുന്നു. ഇന്നത്തെ തീരുമാനം ഇവര്ക്ക് തിരിച്ചടിയാണ്.
ഫെബ്രുവരി എട്ടിനാണ് ഈ കൊമ്പന് അവസാനമായി ഇടഞ്ഞത്. പടക്കം പൊട്ടിയത് കേട്ട് ഇടഞ്ഞ ആനയുടെ ചവിട്ടേറ്റ് രണ്ട് പേരാണ് അന്ന് മരിച്ചത്. കളക്ടറുടെ തീരുമാനത്തിന് എതിരെ മന്ത്രിയെ സമീപിക്കാനാണ് ആനയെ ഉത്സവത്തിന് എത്തിക്കാന് ശ്രമിക്കുന്ന സംഘടനകളുടെ തീരുമാനം.
ആനയ്ക്ക് ചെറിയ ശബ്ദംപോലും പ്രശ്നമുണ്ടാക്കുന്നുണ്ടെന്ന് നേരത്തെ കണ്ടെത്തിയിരുന്നു. ഇതാണ് വിലക്കിന് കാരണം. ആനപ്രേമികള് എന്ന് മാധ്യമങ്ങള് വിശേഷിപ്പിക്കുന്ന ഒരുകൂട്ടം ആളുകള് ഉത്സവത്തിന് തിടമ്പേറ്റാന് തെച്ചിക്കോട്ടുകാവ് രാമചന്ദ്രന് വേണമെന്ന് ആവശ്യപ്പെട്ട് നിവേദനം നല്കിയിരുന്നു. ഇന്നത്തെ തീരുമാനം ഇവര്ക്ക് തിരിച്ചടിയാണ്.
ഫെബ്രുവരി എട്ടിനാണ് ഈ കൊമ്പന് അവസാനമായി ഇടഞ്ഞത്. പടക്കം പൊട്ടിയത് കേട്ട് ഇടഞ്ഞ ആനയുടെ ചവിട്ടേറ്റ് രണ്ട് പേരാണ് അന്ന് മരിച്ചത്. കളക്ടറുടെ തീരുമാനത്തിന് എതിരെ മന്ത്രിയെ സമീപിക്കാനാണ് ആനയെ ഉത്സവത്തിന് എത്തിക്കാന് ശ്രമിക്കുന്ന സംഘടനകളുടെ തീരുമാനം.