തൃശ്ശൂര്‍ ജില്ലയിൽ നാളെ വിദ്യാഭ്യാസ സ്ഥാപനങ്ങള്‍ക്ക് അവധിയില്ല

തൃശൂര്‍: തൃശൂ‍ ജില്ലയില്‍ കനത്ത മഴയെ തുടര്‍ന്ന് വിദ്യാഭ്യാസ സ്ഥാപനങ്ങൾക്ക് പ്രഖ്യാപിച്ച അവധി പിന്‍വലിച്ചു. ജില്ലയിലെ വിദ്യാഭ്യാസ സ്ഥാപനങ്ങള്‍ക്ക് ശനിയാഴ്ച പ്രഖ്യാപിച്ച അവധിയാണ് കളക്ടര്‍ ഇന്ന് പിന്‍വലിച്ചിരിക്കുന്നത്. ജില്ലയില്‍ പ്രഖ്യാപിച്ച റെഡ് അലര്‍ട്ട് പിന്‍വലിച്ച സാഹചര്യത്തിലാണിത്.

തൃശൂര്‍ ജില്ലാ കളക്ടര്‍ ടി.വി അനുപമ ഐ.എ.എസ് ഫെയ്സ്ബുക്ക് കുറിപ്പിലൂടെയാണ് ഇക്കാര്യം അറിയിച്ചത്. അതിതീവ്ര മഴയുടെ മുന്നറിയിപ്പിൻ്റെ പശ്ചാത്തലത്തില്‍ തൃശ്ശൂരില്‍ ജില്ലാ ഭരണകൂടം മുന്നൊരുക്കങ്ങൾ ഒരുക്കിയിരുന്നു. ഇത് പുതുക്കിയ മുന്നറിയിപ്പ് പ്രകാരം മാറ്റുമെന്നും കളക്ടര്‍ വ്യക്തമാക്കി.

തൃശൂരിൽ മഴ ശക്തമല്ലെങ്കിലും മൂന്ന് ദിവസത്തേക്ക് 'യെല്ലോ' അലര്‍ട്ട് നിലവിലുണ്ട്. മുന്‍ കരുതല്‍ നടപടികളുടെ ഭാഗമായി ഡാമുകളില്‍ ജലനിരപ്പും നിയന്ത്രിക്കുന്നുണ്ട്. വാഴാനി ഒഴികെയുള്ള ഡാമുകളുടെ ഷട്ടറുകള്‍ ഉയര്‍ത്തിയിട്ടുണ്ട്.