ആന ചതുപ്പിൽ പെട്ട സംഭവത്തിൽ നാല് പേര്‍ക്കെതിരെ കേസ്

തുറവൂർ: തുറവൂരില്‍ ആന ഇടഞ്ഞോടി ചതുപ്പില്‍ പെട്ട സംഭവത്തില്‍ പോലീസ് നാലുപേര്‍ക്കെതിരെ കേസെടുത്തു. ആനയെ അലക്ഷ്യമായി കൈകാര്യം ചെയ്തതിനാണു കേസ് രജിസ്റ്റര്‍ ചെയ്തിരിക്കുന്നത്. രണ്ട് പാപ്പാന്‍മാര്‍ക്കും ഒരു സഹായിക്കും വാഹന ഉടമയ്ക്കും എതിരെയാണു കേസെടുത്തിരിക്കുന്നത്.



ആനയെ ഇന്നു സുരക്ഷിത സ്ഥാനത്തേക്കു മാറ്റാന്‍ സാധ്യതയുണ്ട്. വനം വകുപ്പിന്‍റെ മൃഗ ഡോക്ടർ ഉച്ചയോടെ എത്തി പരിശോധിക്കും. തുടര്‍ന്നാകും അന്തിമതീരുമാനം എടുക്കുക.



രണ്ടുതവണ ആന ഇടഞ്ഞതിനാൽ തന്നെ പൂര്‍ണമായും മെരുങ്ങിയതിന് ശേഷം അനന്തൻകരി തുരുത്തിൽ നിന്നു പുറത്തെത്തിച്ചാൽ മതിയെന്നാണു നിലവിലെ തീരുമാനം. തുരുത്തിലേക്കുള്ള പാലത്തിലൂടെ ആനയെ നടത്തിക്കേണ്ടതുള്ളതിനാൽ അത് വെല്ലുവിളി നിറഞ്ഞ ഒരു ജോലിയാണ്. അവിട്ടദിനത്തിൽ പുലർച്ചയാണ് ലോറിയിൽ കൊണ്ടുപോവുകയായിരുന മുല്ലയ്ക്കൽ ബാലകൃഷ്ണൻ എന്ന ആന തുറവൂരിൽ വച്ച് ഇടഞ്ഞ് ഓടി പരിഭ്രാന്തി പടര്‍ത്തിയ ശേഷം ചതുപ്പിൽ പൂണ്ട് പെട്ട് പോയത്.




Thuravoor Elephant incident: case registered against four persons

police registered case against four person who rough handled Elephant at Thuravoor