ആപ്പ്ജില്ല

ടൈറ്റാനിയം കേസ്: ഉമ്മൻ ചാണ്ടിയും ചെന്നിത്തലയും അഴിമതിക്കാർത്തന്നെ; മുതിർന്ന കോൺഗ്രസ് നേതാവ്

താൻ അഴിമതി ചൂണ്ടിക്കാണിച്ചപ്പോൾ പാർട്ടി തന്നെ ഒറ്റപ്പെടുത്തിയെന്നും കെ കെ രാമചന്ദ്രൻ മാസ്റ്റർ. 2011ൽ ഉമ്മൻ ചാണ്ടിക്കും ചെന്നിത്തലയ്ക്കുമെതിരെ ടൈറ്റാനിയം കേസിൽ രാമചന്ദ്രൻ മാസറ്റർ ആരോപണം ഉന്നയിച്ചിരുന്നു.

Samayam Malayalam 3 Sept 2019, 5:50 pm
തിരുവനന്തപുരം: ടൈറ്റാനിയം കേസിൽ പ്രതിപക്ഷ നേതാവ് രമേശ് ചെന്നിത്തലയും മുൻ മുഖ്യമന്ത്രി ഉമ്മൻ ചാണ്ടിയും കുറ്റക്കാരാണെന്ന് കോൺഗ്രസ് നേതാവും മുൻ മന്ത്രിയുമായ കെ കെ രാമചന്ദ്രൻ മാസ്റ്റർ. വിജിലൻസ് അന്വേഷണം പ്രഹസനമായിരുന്നുവെന്നും സിബിഐ അന്വേഷണത്തിലൂടെ സത്യം പുറത്തുവരട്ടേയെന്നും രാമചന്ദ്രൻ മാസ്റ്റർ പറഞ്ഞു. അഴിമതി ചൂണ്ടിക്കാട്ടിയപ്പോൾ പാർട്ടിയിൽ ഒറ്റപ്പെടുത്തിയെന്നും രാമചന്ദ്രൻ മാസറ്റർ പറഞ്ഞു.
Samayam Malayalam kk ramachandran


ഉമ്മൻ ചാണ്ടി, ചെന്നിത്തല ഉൾപ്പെട്ട ടൈറ്റാനിയം കേസ് സിബിഐക്ക്

2011ൽ കേസിൽ ഉമ്മൻ ചാണ്ടി അടക്കമുള്ള കോൺഗ്രസ് നേതാക്കൾക്കെതിരെ ആരോപണം ഉന്നയിച്ചതിനെത്തുടർന്ന് കെ കെ രാമചന്ദ്രൻ മാസ്റ്ററെ ആറ് വർഷത്തേക്ക് കോൺഗ്രസിൽനിന്നും പുറത്താക്കിയിരുന്നു. ടൈറ്റാനിയവുമായി ബന്ധപ്പെട്ട ഇടപാടുകൾക്ക് കൂട്ടുനിൽക്കാത്തതിനാൽ തന്നെ ഉമ്മൻ ചാണ്ടിയും ചെന്നിത്തലയും ഭീഷണിപ്പെടുത്തിയെന്നാണ് അന്ന് രാമചന്ദ്രൻ മാസറ്റർ പറഞ്ഞത്. ഇവർക്കുവേണ്ടി സോണിയാ ഗാന്ധിയുടെ ഓഫീസിൽനിന്നും കോക്കസ് പ്രവർത്തിക്കുന്നുണ്ടെന്നും രാമചന്ദ്രൻ മാസറ്റർ പറഞ്ഞിരുന്നു.

മുത്തൂറ്റ് തൊഴിലാളി സമരത്തിനെതിരെ എംഡിയുടെ കുത്തിയിരുപ്പ് സമരം

അതേസമയം, വിജിലൻസ് ശുപാർശയെത്തുടർന്നാണ് ടൈറ്റാനിയം അഴിമതി കേസ് സർക്കാർ സിബിഐക്ക് വിട്ടത്. പ്രതിപക്ഷ നേതാവ് രമേശ് ചെന്നിത്തല, മുൻ മുഖ്യമന്ത്രി ഉമ്മൻ ചാണ്ടി, മുൻ മന്ത്രി ഇബ്രാഹിം കുഞ്ഞ് എന്നിവർ ഉൾപ്പെട്ട അഴിമതിക്കേസാണിത്. ടൈറ്റൈനിയം ഫാക്ടറിയിൽ മാലിന്യ പ്ലാന്റ് നിർമ്മിക്കുന്നതുമായി ബന്ധപ്പെട്ട് അഴിമതി നടന്നുവെന്നാണ് പരാതി. ഉദ്യോഗസ്ഥർ ഉൾപ്പെടെ കേസിൽ ആറ് പ്രതികളാണുള്ളത്.

'എവിടുന്നാണ് ഈ മക്കുണനെ പിണറായിക്കു കിട്ടിയത്'; ഡിജിപിക്കെതിരെ കെ മുരളീധരൻ

കേസിൽ ഏത് അന്വേഷണ ഏജൻസി വേണമെങ്കിലും അന്വേഷണം നടത്തട്ടെയെന്ന് ഉമ്മൻ ചാണ്ടി പറഞ്ഞു. ടൈറ്റാനിയം മുൻ ചെയർമാൻ ടി ബാലകൃഷ്ണനും കേസിൽ പ്രതിയാണ്. 256 കോടി രൂപയുടെ പദ്ധതിയിൽ അഴിമതി നടന്നുവെന്നാണ് ആരോപിക്കപ്പെട്ടിരിക്കുന്നത്. 2006ലാണ് ആരോപണം ഉയർന്നത്. 80 കോടി രൂപയുടെ നഷ്ടമാണ് വിജിലൻസ് കണ്ടെത്തിയത്. 86 കോടി രൂപയുടെ ഉപകരണങ്ങൾ മാലിന്യ സംസ്ക്കരണ പ്ലാന്റിനായി ഇറക്കുമതി ചെയ്തെങ്കിലും ഒന്നുപോലും ഇതുവരെ സ്ഥാപിക്കാനായിട്ടില്ല.

കേസിൽ പ്രതികാര ബുദ്ധിയോടെയല്ല സർക്കാർ പ്രവർത്തിക്കുന്നതെന്ന് സിപിഎം സംസ്ഥാന സെക്രട്ടറി കോടിയേരി ബാലകൃഷ്ണൻ പറഞ്ഞു.

ആര്‍ട്ടിക്കിള്‍ ഷോ

ട്രെൻഡിങ്