കൽപ്പറ്റ: കോൺഗ്രസ് അധ്യക്ഷൻ രാഹുൽ ഗാന്ധിയുടെ സ്ഥാനാര്ത്ഥിത്വത്തിനു പിന്നാലെ വയനാട്ടിൽ കരുത്ത് തെളിയിക്കാൻ റോഡ് ഷോയുമായി ഇടതുപക്ഷം. ഇന്ന് കൽപ്പറ്റ നഗരത്തിലൂടെയാണ് റോഡ് ഷോ നടത്താൻ ഇടതുമുന്നണി തീരുമാനിച്ചിരിക്കുന്നത്. മുഖ്യമന്ത്രി പിണറായി വിജയൻ്റെ തെരഞ്ഞെടുപ്പ് പ്രചാരണ യോഗത്തിന് ശേഷമാണ് റോഡ് ഷോ നടത്തുന്നത്. മന്ത്രിമാരായ കെ കെ ശൈലജ, കടന്നപ്പള്ളി രാമചന്ദ്രൻ, വി എസ് സുനിൽ എന്നിവര് റോഡ് ഷോയിൽ പങ്കെടുക്കും. എന്നാൽ മുഖ്യമന്ത്രി പങ്കെടുക്കുന്ന കാര്യത്തിൽ അന്തിമ തീരുമാനമായിട്ടില്ല.
അതേസമയം വയനാട്ടിലെ രാഹുൽ ഗാന്ധിയുടെ സ്ഥാനാര്ത്ഥിത്വത്തെ വിമര്ശിച്ച് ഇടതുപക്ഷം രംഗത്തെത്തിയിരുന്നു. എന്ത് സന്ദേശമാണ് ഇതിലൂടെ നൽകുന്നതെന്ന് മുഖ്യമന്ത്രി ചോദിച്ചിരുന്നു. ഇതേ തുടര്ന്ന് ദേശീയ തലത്തിൽ കോൺഗ്രസിന് ബദലായി സഖ്യം രൂപികരിക്കാൻ വരെ ഇടതുപക്ഷം തീരുമാനിച്ചിരുന്നു.
അതേസമയം വയനാട്ടിലെ രാഹുൽ ഗാന്ധിയുടെ സ്ഥാനാര്ത്ഥിത്വത്തെ വിമര്ശിച്ച് ഇടതുപക്ഷം രംഗത്തെത്തിയിരുന്നു. എന്ത് സന്ദേശമാണ് ഇതിലൂടെ നൽകുന്നതെന്ന് മുഖ്യമന്ത്രി ചോദിച്ചിരുന്നു. ഇതേ തുടര്ന്ന് ദേശീയ തലത്തിൽ കോൺഗ്രസിന് ബദലായി സഖ്യം രൂപികരിക്കാൻ വരെ ഇടതുപക്ഷം തീരുമാനിച്ചിരുന്നു.