പാലാ ഉപതെരഞ്ഞെടുപ്പ്: പ്രചാരണം അവസാനഘട്ടത്തിൽ, മുഖ്യമന്ത്രി അടക്കമുള്ളവർ പങ്കെടുക്കും

പാലാ: പാലാ ഉപതെരഞ്ഞടുപ്പ്പ് പ്രചാരണം ആവാസനഘട്ടത്തിലേക്ക് കടക്കുന്നു. മുഖ്യമന്ത്രി പിണറായി വിജയൻ അടക്കമുള്ള നേതാക്കൾ പാലായിൽ പ്രചാരണത്തിനെത്തും. 18, 19, 20 തീയതികളിൽ ഇടത് സ്ഥാനാർഥി മാണി സി കാപ്പന്റെ പ്രചാരണപരിപാടികളിൽ മുഖ്യമന്ത്രി പങ്കെടുക്കും. ഇടത്, എൻഡിഎ സ്ഥാനാർഥികളുടെ വാഹനപ്രചാരണം ഇന്നും മണ്ഡലത്തിൽ തുടരും.

സിപിഐ സംസ്ഥാന സെക്രട്ടറി കാനം രാജേന്ദ്രൻ ഇടത് പ്രചാരണ പരിപാടികളിൽ ഇന്ന് പങ്കെടുക്കും.എൻസിപി ദേശീയാധ്യക്ഷൻ ശരത് പവർ പ്രചാരണത്തിനായി പാലായിലെത്തിയേക്കും. യുഡിഎഫിലെ തർക്കങ്ങൾ എല്ലാം പരിഹരിച്ച് പി.ജെ ജോസഫ് ജോസ് ടോമിന് വേണ്ടി പ്രചാരണത്തിനിറങ്ങും.18ന് നടക്കുന്ന പൊതുസമ്മേളനത്തിൽ പി.ജെ ജോസഫ് പങ്കെടുക്കും.

യുഡിഎഫ് സ്ഥാനാർത്ഥിക്ക് വേണ്ടി ആത്മാർഥമായി പരിശ്രമിക്കുമെന്ന് പി.ജെ ജോസഫ് വ്യക്തമാക്കി. മുൻ മുഖ്യമന്ത്രി ഉമ്മൻ ചാണ്ടി, രമേശ് ചെന്നിത്തല എന്നിവർ മണ്ഡലത്തിൽ നടക്കുന്ന കുടുംബ യോഗങ്ങളിൽ പങ്കെടുക്കും. എൻഡിഎ സ്ഥാനാർഥി എൻ ഹരിയുടെ പ്രചാരണത്തിന് വേണ്ടി ദേശീയ - സംസ്ഥാന നേതാക്കൾ പങ്കെടുക്കും. ഉപതെരഞ്ഞെടുപ്പിന്റെ പോളിങ് 23നും വോട്ടെണ്ണൽ 27നുമാണ് നടക്കുന്നത്.