വിനോദ സഞ്ചാരം: ഇടുക്കിയിലെ നിരോധന ഉത്തരവ്‌ പിന്‍വലിച്ചു

ഇടുക്കി: വിനോദ സഞ്ചാരികൾക്ക് ജില്ലയിലെ മലയോര മേഖലയിലേക്കുള്ള വിലക്ക് പിൻവലിച്ചു. കേന്ദ്ര കാലാവസ്ഥ നിരീക്ഷണ കേന്ദ്രം ജില്ലയില്‍ പ്രഖ്രാപിച്ചിരുന്ന റെഡ്‌ അലര്‍ട്ടു പിന്‍വലിച്ചതിനാലാണ് തീരുമാനം. നിലവിൽ കനത്ത മഴയും ഇല്ലാത്ത സാഹചര്യമാണ്.

നീലക്കുറിഞ്ഞി, അഡ്വഞ്ചര്‍ടൂറിസം, ബോട്ടിംഗ്‌, ഓഫ്‌റോഡ്‌ ഡ്രൈവിംഗ്‌ തുടങ്ങിയവക്ക്‌ ഏര്‍പ്പെടുത്തിയിരുന്ന നിരോധന ഉത്തരവാണ് പിന്‍വലിച്ചത്. എന്നാല്‍ പൊതുജന സുരക്ഷ കണക്കിലെടുത്ത്‌ മലയാരമേഖലയിലൂടെയുള്ള രാത്രികാല യാത്ര (ഇന്ന്) തിങ്കളാഴ്ച ഒഴിവാക്കണമെന്ന്‌ ജില്ലാ കലക്‌ടര്‍ അറിയിച്ചു.