ഡിജിപി സ്ഥാന മാറ്റത്തിന് പിന്നില്‍ രാഷ്ട്രീയ പകപോക്കൽ: സെന്‍കുമാര്‍

തിരുവനന്തപുരം: സംസ്ഥാന പൊലീസ് മേധാവി സ്ഥാനത്ത് നിന്ന് തന്നെ മാറ്റിയത് രാഷ്ട്രീയ പകപോക്കലിനെ തുടര്‍ന്നാണെന്ന് മുന്‍ ഡിജിപി ടി.പി.സെന്‍കുമാര്‍. പോലീസ് മേധാവി സ്ഥാനത്തു നിന്ന് തന്നെ മാറ്റിയതമായി ബന്ധപ്പെട്ട് സുപ്രീംകോടതിയില്‍ നല്‍കിയ ഹര്‍ജിയിലാണ് അദ്ദേഹം ഇക്കാര്യം സൂചിപ്പിച്ചിരിക്കുന്നത്.

സിപിഐഎം നേതാക്കള്‍ ഉള്‍പ്പെട്ട കേസുകളില്‍ താന്‍ സ്വീകരിച്ച നിലപാടാണ് ഈ രാഷ്ട്രീയ പകപോക്കലിനു പിന്നിലെന്നും സെന്‍കുമാര്‍ ഹര്‍ജിയില്‍ സൂചിപ്പിക്കുന്നു. ടി.പി.ചന്ദ്രശേഖരന്‍ വധം, കതിരൂര്‍ മനോജ് വധം എന്നീ കേസുകളും സെന്‍കുമാര്‍ ഉദാഹരണമായി ചൂണ്ടിക്കാട്ടി. കതിരൂര്‍ മനോജ് വധക്കേസില്‍ സിപിഐഎം നേതാവ് പി.ജയരാജനെതിരെ നിലപാടെടുത്തതാണ് തനിക്ക് ഏറെ വിനയായതെന്നും ഹര്‍ജിയില്‍ വ്യക്തമാക്കിയിരിക്കുന്നു.

താന്‍ പോലീസ് മേധാവിയായിരുന്നപ്പോള്‍ കണ്ണൂരില്‍ ഉണ്ടായത് ഒരു രാഷ്ട്രീയ കൊലപാതകം മാത്രമാണെന്നും എന്നാല്‍ ഇപ്പോഴത് ഒട്ടേറെ വര്‍ധിച്ചതായും സെന്‍കുമാര്‍ ഹര്‍ജിയില്‍ വ്യക്തമാക്കുന്നു.

TP Senkumar against government

TP Senkumar says that his transfer is because of Political revenge