എറണാകുളം സൗത്ത് റെയില്‍വേസ്റ്റേഷന് സമീപം ട്രെയിന്‍ പാളം തെറ്റി

കൊച്ചി: എറണാകുളം സൗത്ത് റെയില്‍വേസ്റ്റേഷന് സമീപം ട്രെയിന്‍ പാളം തെറ്റി. ഷണ്ടിങ്ങിനിടെ ഹൗറ അന്ത്യോദയ എക്‌സ്പ്രസാണ് പാളം തെറ്റിയത്.

യാത്ര തുടങ്ങാന്‍ തയാറായി നില്‍ക്കുന്ന എറണാകുളം -നിലമ്പൂര്‍ പാസഞ്ചര്‍ ട്രെയിനിനു നേരെയാണ് പാളം തെറ്റിയ ട്രെയിന്‍ വന്നിരുന്നത്. പാസഞ്ചര്‍ ട്രെയിനിന്റെ ലോകോ പൈലറ്റിന്റെ ശ്രദ്ധയില്‍ പെട്ടതിനാല്‍ ദുരന്തം ഒഴിവായി.

സംഭവത്തെ തുടർന്ന് തിരുവനന്തപുരം-എറണാകുളം വേണാട് എക്‌സ്പ്രസ് മുളന്തുരുത്തി സ്റ്റേഷനില്‍ പിടിച്ചിട്ടു. സൗത്ത് സ്റ്റേഷന്‍ വഴി പോകേണ്ട വേണാട് എക്‌സ്പ്രസും കേരള എക്‌സ്പ്രസും എറണാകുളം നോര്‍ത്ത്, തൃപ്പൂണിത്തുറ വഴി തിരിച്ചു വിട്ടുവെന്നും ബംഗളൂരു-കന്യാകുമാരി ഐലന്റ് എക്‌സ്പ്രസ് മൂന്നു മണിക്കൂര്‍ വൈകുമെന്നും അധികൃതര്‍ അറിയിച്ചു.

Train derail near Ernakulam south railway station

Howrah antyodaya express derailed near Ernakulam south railway station.