കോട്ടയത്ത് ട്രെയിൻ ഗതാഗതം പുനഃസ്ഥാപിച്ചു

കോട്ടയം: ജില്ലയിൽ കനത്ത മഴ കാരണം താൽക്കാലികമായി നിർത്തി വെച്ചിരുന്ന ട്രെയിൻ ഗതാഗതം പുനഃസ്ഥാപിച്ചു. വേഗത നിയന്ത്രിച്ച് കൊണ്ടാണ് ട്രെയിനുകൾ കടത്തി വിടുന്നത്. നേരത്തെ മീനച്ചിലാറിൽ അപകടകരമായ രീതിയിൽ ജലനിരപ്പ് ഉയർന്നതിനെ തുടർന്നാണ് ട്രെയിൻ ഗതാഗതം നിർത്തി വെച്ചിരുന്നത്.

കോട്ടയം- ഏറ്റുമാനൂര്‍ റൂട്ടിലെ മൂന്നു റെയില്‍വേ പാലങ്ങളില്‍ ജലനിരപ്പ് ഉയര്‍ന്ന സാഹചര്യത്തിലാണ് ഗതാഗതം നിര്‍ത്തി വെച്ചിരുന്നത്. സാഹചര്യം വിലയിരുത്താന്‍ റെയില്‍വേയുടെ അടിയന്തിര യോഗം ചേർന്നു. സംസ്ഥാനത്ത് തുടരുന്ന കനത്ത മഴയില്‍ പലയിടത്തും റെയിൽ ഗതാഗതം താറുമാറായിരിക്കുകയാണ്.