ആലുവയിൽ പാളത്തിൽ വിള്ളൽ: റെയിൽ ഗതാഗതം തടസ്സപ്പെട്ടു

ആലുവ: എറണാകുളം ആലുവയിൽ റെയിൽവേ പാളത്തില്‍ വിള്ളല്‍ കണ്ടെത്തിയതിനെ തുടര്‍ന്ന് ഗതാഗതം തടസ്സപ്പെട്ടു. തിങ്കളാഴ്ച രാവിലെയാണ് ആലുവ പുളിഞ്ചുവടിന് സമീപം പാളത്തില്‍ വിള്ളല്‍ കണ്ടെത്തിയത്.

ഇതേ തുടര്‍ന്ന് എറണാകുളം ഭാഗത്തേക്കുള്ള ഗതാഗതം താൽക്കാലികമായി നിർത്തി വെച്ചു. പിന്നീട് അറ്റകുറ്റപ്പണികള്‍ നടത്തിയ ശേഷം തീവണ്ടികള്‍ വീണ്ടും കടത്തി വിടാന്‍ തുടങ്ങി.