എ.കെ.ശശീന്ദ്രൻ ഗതാഗത വകുപ്പ് മന്ത്രി സ്ഥാനം രാജി വെച്ചു

കോഴിക്കോട്: ലൈംഗിക ആരോപണത്തെ തുടർന്ന് കേരള ഗതാഗത വകുപ്പ് മന്ത്രി എ.കെ.ശശീന്ദ്രൻ രാജി വെച്ചു. രാജി വെക്കുന്നതായുള്ള തന്‍റെ തീരുമാനം മുഖ്യമന്ത്രിയെ അറിയിച്ചെന്നും ശശീന്ദ്രൻ പറഞ്ഞു. ഇന്ന് രാവിലെ മുതൽ തന്‍റെ പേരില്‍ ഉയർന്നിട്ടുള്ള ആരോപണങ്ങളെ തുടർന്ന് ധാർമികതയുടെ പേരിൽ രാജി വെക്കുന്നതായി ശശീന്ദ്രൻ കോഴിക്കോട് അറിയിച്ചു.

ഏത് ആവശ്യത്തിനും ഏത് നേരത്തും വിളിച്ചിട്ടുള്ളവരോട് മാന്യമായേ പെരുമാറിയിട്ടുള്ളു. ആരോടും മോശമായി സംസാരിക്കുകയോ തെറ്റ് ചെയ്യുകയോ ചെയ്തിട്ടില്ല. ഈ കാര്യത്തിൽ ശരി തെറ്റുകൾ മനസിലാക്കാൻ വേണ്ടി മുഖ്യമന്ത്രിക്ക് ഏതു ഏജൻസിയെ വെച്ചും വിശദമായ അന്വേഷണം നടത്താമെന്നും ശശീന്ദ്രൻ പറഞ്ഞു. തന്‍റെ നിരപരാധിത്വം തെളിയിക്കാന്‍ കഴിയുമെന്നാണ് വിശ്വാസമെന്നും ശശീന്ദ്രൻ വ്യക്തമാക്കി.

Transport minister A.K.Saseendran resigned

Kerala Transport Minister A.K.Saseendran resigned followed by a sex scandal