ദേവസ്വം പ്രസിഡന്‍റ് പത്മകുമാറിനെ ഉടൻ മാറ്റിയേക്കും

തിരുവനന്തപുരം: മുഖ്യമന്ത്രി പിണറായി വിജയൻ ഉന്നയിച്ച പരസ്യവിമര്‍ശനത്തോടെ തിരുവിതാംകൂര്‍ ദേവസ്വം ബോര്‍ഡ് പ്രസിഡന്റ് എ പത്മകുമാറിനെതിരെ പാര്‍ട്ടിയിലും ദേവസ്വം ബോര്‍ഡിലും ഒരേപോലെ എതിര്‍പ്പ് ഉയര്‍ന്നതായി സൂചന. ഇതേ തുടര്‍ന്ന് പ്രസിഡന്റ് സ്ഥാനത്ത് നിന്ന് ഇദ്ദേഹത്തെ ഉടൻ മാറ്റാനുള്ള നീക്കങ്ങളും നടക്കുന്നുണ്ടെന്നാണ് അറിയുന്നത്.

മുഖ്യമന്ത്രിയുടെ രൂക്ഷവിമര്‍ശനത്തിനെ തുടര്‍ന്ന് അസ്വസ്ഥനായിരിക്കുന്ന ഇദ്ദേഹം ശേഷം പാര്‍ട്ടി നേതൃത്വത്തോട് പോലും സംസാരിക്കാന്‍ പത്മകുമാര്‍ തയ്യാറായിട്ടില്ല. ഒരു വര്‍ഷം കൂടി പത്മകുമാറിന് കാലാവധിയുണ്ട്. സുപ്രീം കോടതി വിധിയുമായി ബന്ധപ്പെട്ട് സര്‍ക്കാര്‍ എടുത്തിട്ടുള്ള നിലപാടിന് വിരുദ്ധമായി പ്രതികരിച്ചതാണ് പത്മകുമാറിന് വിനയായിരിക്കുന്നത്.