ഒരു തരി സ്വർണം പോലും നഷ്ടമായിട്ടില്ല, വിവാദങ്ങൾ അനാവശ്യമെന്ന് എ പത്മകുമാർ
ഈ വാര്ത്തയ്ക്ക് പിന്നിൽ ദേവസ്വം ബോര്ഡിലെയോ ഓഡിറ്റ് വിഭാഗത്തിലെയോ ഏതെങ്കിലും ഒരു ഉദ്യോഗസ്ഥനാണ്. എല്ലാത്തിനും കൃത്യമായ കണക്കുണ്ട്. നിലവിലെ വിവാദം അനാവശ്യമാണെന്നും പത്മകുമാര് മാധ്യമപ്രവര്ത്തകരോട് പ്രതികരിച്ചു.
Samayam Malayalam 26 May 2019, 1:22 pm
ഹൈലൈറ്റ്:
- ദേവസ്വം ബോര്ഡിന് വീഴ്ച പറ്റിയിട്ടില്ല.
- എല്ലാത്തിനും കൃത്യമായ കണക്കുണ്ട്.
- ഇതുവരെ ഒരു ക്രമക്കേടും ബോര്ഡിന് മനസിലായിട്ടില്ലെന്നും പത്മകുമാര്
പത്തനംതിട്ട: ശബരിമലയിൽ നിന്ന് ഒരുതരി സ്വര്ണം പോലും നഷ്ടപ്പെട്ടിട്ടില്ലെന്ന് തിരുവിതാംകൂര് ദേവസ്വം ബോര്ഡ് പ്രസിഡൻ്റ് എ പത്മകുമാര്. ദേവസ്വം ബോര്ഡിന് വീഴ്ച പറ്റിയിട്ടില്ല. എല്ലാത്തിനും കൃത്യമായ കണക്കുണ്ട്. നിലവിലെ വിവാദം അനാവശ്യമാണെന്നും പത്മകുമാര് മാധ്യമപ്രവര്ത്തകരോട് പ്രതികരിച്ചു. ഈ വാര്ത്തയ്ക്ക് പിന്നിൽ ദേവസ്വം ബോര്ഡിലെയോ ഓഡിറ്റ് വിഭാഗത്തിലെയോ ഏതെങ്കിലും ഒരു ഉദ്യോഗസ്ഥനാണ്. പരിശോധനയിൽ ഒരു പവൻ്റെ എങ്കിലും വ്യത്യാസം കണ്ടെത്തിയാൽ ബന്ധപ്പെട്ട ഉദ്യോഗസ്ഥൻ ഉത്തരവാദിയാണ്. ഇതുവരെ ഒരു ക്രമക്കേടും ബോര്ഡിന് മനസിലായിട്ടില്ലെന്നും പത്മകുമാര് പറഞ്ഞു. കൂടുതൽ വിവരങ്ങളെ കുറിച്ച് ഓഡിറ്റ് റിപ്പോര്ട്ട് വന്നതിനുശഷം പ്രതികരിക്കാമെന്നും അദ്ദേഹം കൂട്ടിച്ചേർത്തു.