തിരുവനന്തപുരം: കേരളത്തിൽ ശനിയാഴ്ച അർദ്ധരാത്രി മുതൽ ട്രോളിംഗ് നിരോധനം. ഇക്കുറി കൂടുതൽ ദിവസത്തേക്കാണ് സംസ്ഥാന സർക്കാർ ട്രോളിംഗ് നിരോധനം ഏർപ്പെടുത്തിയിരിക്കുന്നത്. ഇനി മത്സ്യലഭ്യത കുറയും. സുപ്രീം കോടതി വിധിയെ മറികടന്നാണ് സർക്കാർ തീരുമാനം. ആകെ 47 ദിവസം ട്രോളിംഗ് ഏർപ്പെടുത്താനായിരുന്നു സുപ്രീം കോടതി വിധി. എന്നാൽ സംസ്ഥാന സർക്കാർ അഞ്ച് ദിവസം കൂടി കൂട്ടിച്ചേർത്തിട്ടുണ്ട്. ട്രോളിംഗ് നിരോധനം ജൂലൈ 31 വരെയാകും. ആകെ 52 ദിവസമാകും ഇക്കുറി ട്രോളിംഗ് നിരോധനം. ചെറു മത്സ്യങ്ങളുടെ പ്രജനനകാലമായതിനാൽ നിയമലംഘനം കണ്ടെത്താൻ ട്രോളിംഗ് നിരോധനസമയങ്ങളിൽ ഫിഷറീസ് വകുപ്പും മറൈൻ എൻഫോഴ്സ്മെന്റും കടലിൽ പട്രോളിംഗ് ശക്തമാക്കും.
ഇന്ന് അർദ്ധരാത്രി മുതൽ ട്രോളിംഗ് നിരോധനം
52 ദിവസമാകും ഇക്കുറി ട്രോളിംഗ് നിരോധനം
Samayam Malayalam 9 Jun 2018, 1:06 pm