തിരുവനന്തപുരം: തിരുവനന്തപുരം കോര്പ്പറേഷനില് ഓണസദ്യ മാലിന്യത്തിലെറിഞ്ഞ ശുചീകരണത്തൊഴിലാളികള്ക്കെതിരായ നടപടി പിന്വലിക്കാന് ധാരണ. സിപിഎം നേതൃത്വവുമായി മേയര് ആര്യാ രാജേന്ദ്രന് നടത്തിയ ചര്ച്ചയ്ക്കൊടുവിലാണ് നടപടി പിന്വലിക്കാന് തീരുമാനമായത്. പ്രതിഷേധത്തിന്റെ ഭാഗമായി ഓണസദ്യ മാലിന്യത്തില് കളഞ്ഞ 7 സ്ഥിരം ജീവനക്കാരെ സസ്പെന്ഡ് ചെയ്യുകയും 4 താല്ക്കാലിക ജീനക്കാരെ പിരിച്ചുവിടുകയും ചെയ്തിരുന്നു. മേയറുടെ നടപടിയില് മുതിര്ന്ന സിപിഎം നേതാക്കളടക്കം വിയോജിപ്പ് അറിയിച്ചിരുന്നു.
Read Latest Local News and Malayalam News
നഗരസഭയുടെ ചാലാ സര്ക്കിളിലാണ് പ്രതിഷേധത്തിന്റെ ഭാഗമായി ജീവനക്കാര് ഓണസദ്യ മാലിന്യത്തില് വലിച്ചെറിഞ്ഞത്. ജോലിയെല്ലാം തീര്ത്ത് ഓണാഘോഷത്തിനായി ത്തിയപ്പോള് അറവുമാലിന്യം പെറുക്കന് ജൂനിയര് ഹെല്ത്ത് ഇന്സ്പെക്ടര് ആവശ്യപ്പെട്ടതിനെതിരെയായിരുന്നു തൊഴിലാളികളുടെ പ്രതിഷേധം. എന്നാല് ഭക്ഷണം മാലിന്യത്തിലെറിഞ്ഞുകൊണ്ടുള്ള ഏത് സമരവും സമൂഹത്തോടും ഒരു നേരത്തെ ഭക്ഷണമില്ലാതെ കഷ്ടപ്പെടുന്നവര്ക്കും നേരെ നടത്തുന്ന വെല്ലുവിളിയായി മാത്രമെ കാണാന് കഴിയൂവെന്നായിരുന്നു മേയര് ആര്യാ രാജേന്ദ്രന് സമൂഹമാധ്യമങ്ങളില് കുറിച്ചത്.