തിരുവനന്തപുരത്ത് രണ്ട്‌ പെണ്‍കുട്ടികള്‍ മുങ്ങിമരിച്ചു

തിരുവനന്തപുരം: പള്ളിക്കലില്‍ കരിങ്കല്‍ ക്വാറിയിലെ വെള്ളക്കെട്ടില്‍ രണ്ട്‌ പെണ്‍കുട്ടികള്‍ മുങ്ങി മരിച്ചു. ഒരാളെ കാണാനില്ല. വെള്ളക്കെട്ടില്‍ കുളിക്കാനിറങ്ങിയ രണ്ട്‌ പെണ്‍കുട്ടികളാണ് മുങ്ങിമരിച്ചത്. പള്ളിക്കല്‍ സ്വദേശികളായ ജുഹാന, ഷിഹാന, സൈനബ എന്നിവരാണ് മരിച്ചത്.

കാണാതായ പെണ്‍കുട്ടിക്കായി നാട്ടുകാരും പൊലീസും സംയുക്ത തിരച്ചില്‍ നടത്തുകയാണ്. ഞാറയില്‍കോണത്തെ കരിങ്കല്‍ ക്വാറിക്കു സമീപത്തെ കുളത്തില്‍ കുളിക്കാന്‍ എത്തിയതായിരുന്നു ഇവര്‍.

ഇവര്‍ക്കൊപ്പം രണ്ടുപെണ്‍കുട്ടികള്‍ കൂടിയുണ്ടായിരുന്നു. എന്നാല്‍ ഇവര്‍ നീന്തി രക്ഷപ്പെട്ടുവെന്നാണ് ഇപ്പോള്‍ ലഭിക്കുന്ന വിവരം.