സംസ്ഥാനത്ത് മൂന്ന് കൊവിഡ് മരണങ്ങൾ കൂടി

കോഴിക്കോട്: സംസ്ഥാനത്ത് മൂന്ന് കൊവിഡ് മരണങ്ങൾ കൂടി. കണ്ണൂരിൽ ചികിത്സയിലായിരുന്ന കാസർകോട് സ്വദേശിനിയും, കോഴിക്കോട് സ്വദേശിയും കൊല്ലം സ്വദേശിയുമാണ് മരിച്ചത്. കാസർകോട് അണങ്കൂർ സ്വദേശി ഖൈറുന്നീസ(48)യാണ് പരിയാരം മെഡിക്കൽ കോളേജിൽ ചികിത്സയിലിരിക്കെയാണ് മരിച്ചത്.

തിങ്കളാഴ്ചയായിരുന്നു ഖൈറുന്നീസയ്ക്ക് കൊവിഡ് സ്ഥരീകരിച്ചത്. ഇവർക്ക് കൊവിഡ് ബാധിച്ചത് എവിടെ നിന്നാണെന്ന് കണ്ടെത്താനായിട്ടില്ല. ശരീരത്തിൽ ഓക്സിജൻ അളവ് കുറയുകയും ന്യൂമോണിയ കടുക്കുകയും ചെയ്തതോടെയാണ് ഇവരെ പരിയാരം മെഡിക്കൽ കോളേജിലെത്തിച്ചത്. ഇന്ന് പുലർച്ചെ അഞ്ചുമണിയോടെയാണ് ഖൈറുന്നീസയുടെ മരണം സംഭവിച്ചത്.

Also Read: സംസ്ഥാനത്ത് വീണ്ടും കൊവിഡ് മരണം; മരിച്ചത് എംജി കോളേജ് ജീവനക്കാരൻ

കോഴിക്കോട് മെഡിക്കൽ കോളേജിൽ ചികിത്സയിലായിരുന്ന കോയയാണ് മരിച്ചത്. 57 വയസായിരുന്നു ഇയാൾക്ക്. ഇന്ന് പുലർച്ചെയാണ് മരണം സംഭവിച്ചത്. ഹൃദ്രോഗത്തിന് ചികിത്സയിലായിരുന്നു കോയയെന്നാണ് റിപ്പോർട്ടുകൾ.

കൊല്ലത്ത് മരിച്ചത് കുലശേഖരപുരം സ്വദേശി റഹിയാനത്ത്(55) ആണ്.